Facebook асосчиси ҳақида қизиқарли 10 та факт
Facebook ҳамасосчиси ва Бош ижрочи директори Марк Цукерберг 2008 йил, 23 ёшида дунёдаги энг ёш миллиардерга айланиб, бутун дунёни лол қолдирган.
Forbes'га кўра, Цукербергнинг соф бойлиги 95.9 миллиард долларни ташкил қилади. Бунча бойлиги билан Facebook раҳбари айни дамда дунёдаги учинчи энг бой одам ҳисобланади.
Цукерберг 1984 йил 14 май санасида Нью-Йоркнинг Уайт-Плейнс шаҳрида дунёга келган. Маркнинг отаси стоматолог, онаси эса психиатр. Марк оилада битта ўғил бўлиб, унинг 3 та опа-синглиси бор.
ЎҚИНГ: Facebook раҳбари бир неча йилдан бери фақат шу компания смартфонларини ишлатади (+видео)
Мана, Цукербергнинг ўзи ва оиласи ҳақида қисқа маълумот олдик. Келинг, энди ваъда қилинган 10 та фактга ўтсак.
#1. Марк Цукерберг дальтонизмдан азият чекади. Миллиардер қизил ва яшил рангларни ажрата олмайди. У учун фарқлаш энг осон бўлган ранг — кўк. Шунинг учун ҳам, Facebook'нинг логотипи кўк рангда.
#2. Цукерберг ҳар куни бир хил кулранг футболка кийиб юради. Ўзининг тушунтиришича, бу билан у кийим танлашга вақт сарфлаб ўтирмас экан.
#3. Марк Цукерберг 2011 йилда вегетарианга айланган ва фақатгина ўзи сўйган ҳайвонлар гўштини ейиши мумкинлигини маълум қилган.
ЎҚИНГ: Инҳа университетини битирган ёш юртдошимиз Facebook’да муҳим лавозимда иш бошлади
#4. Цукербергнинг Beast (талаффузи: Бист) лақабли кучуги бор. Beast венгер овчаркаси бўлиб, Facebook'да 2 миллиондан ортиқ мухлисга эга.
#5. Юқори мактабни тамомлашидан олдин Цукербергга бир неча нуфузли компаниялардан иш таклиф қилинган, бироқ у Гарвард Университетида ўқишга қарор қилган. Ваҳоланки, кейинчалик Фаcэбоокъка асос солгач, бор вақтини тармоқни ривожлантиришга сарфлаш учун университетдан кетган.
#6. Facebook'ка асос солишидан олдин Цукерберг Fesmas номли веб-сайт яратган.
ЎҚИНГ: Миллиардер ҳақида миллиардларга тенг фактлар
#7. Цукерберг бўлажак турмуш ўртоғи Присцилла Чан билан университетда ўқиб юрган пайтда, базмлардан бирида танишиб қолган. Присцилла, аввалига, Маркни ўта зерикарли одам бўлса керак деб ўйлаган.
#8. Facebook раҳбари 6 та тилни мукаммал билади ва бу тилларда равон сўзлаша олади. Улар: француз, иброний, лотин, қадимий юнон, мандарин ва инглиз тиллари. Мандарин тилини турмуш ўртоғининг оила аъзолари билан мулоқот қила олиш учун ўрганган.
#9. 2015 йил декабрь ойида Цукерберг ва Присцилла умри давомида Facebook'даги ўзларига тегишли акцияларнинг 99% ини бошқаларга топшириб юборишга қарор қилганларини эълон қилган.
#10. Цукерберг Twitter'да тасдиқланган аккаунтга эга эмас. Бироқ унинг профилига 467 мингдан ортиқ фойдаланувчи эргашади.
