Facebook инвесторлари Марк Цукербергни истеъфога чиқармоқчи
Facebook ижтимоий тармоғига жами 3 млрд долларлик сармоя киритган инвесторлар Марк Цукербергни бошқарув раислигидан бўшатмоқчи бўлишаяпти. Улар ушбу вазифани бошқарув раҳбари ва бош директорлик лавозимларига бўлишни талаб қилиб чиқишди.
Business Insider журналистлари ушбу ижтимоий тармоқнинг олтита акционери билан суҳбат ўтказди. Уларнинг ҳар бири компанияни бошқариш услубидан қониқмаган, қолаверса, бу норозилик Facebook биржага чиққан 2012 йилдан буён энг юқори чўққисига етган.
ЎҚИНГ: Facebook қандай жосуслик қилаётгани ҳақида расман ҳисобот берди
Сўнгги бир неча ой давомида компания серияли жанжаллар гирдобига тушиб қолди, уларнинг орасида энг шов-шувлиси Cambridge Analytica ва 87 миллион нафар тармоқ фойдаланувчиларининг маълумотлари торқалиб кетгани билан боғлиқ жанжаллардир. Компаниянинг ушбу жанжалларга билдираётган муносабати ҳам акционерларни қониқтирмаяпти. Инвесторларнинг фикрича, буларнинг барчасига компания раҳбариятининг нотўғри тузулмаси сабабдир.
«Бизнинг бошқарув тузулмага нисбатан баённомамиз бор, компания гўё буни бартараф этишга тайёр эмасдек кўриняпти, бу эса кўплаб муаммоларнинг пайдо бўлишига олиб келиши мумкин, масалан компания нуфузига салбий таъсир этади, регуляторлар билан боғлиқ муаммоларни келтириб чиқаради ва бошқа шунга ўхшаш масалаларда», — деди Нью-Йорк молия инспектори, у шаҳар нафақа жамғармаси орқали Facebookнинг қарийб 900 миллион доллар қийматидаги акцияларини назорат қилади.
ЎҚИНГ: Facebook шахсий маълумотларингизни 60 та смартфонсозга бериб келаётган экан!
Facebook’да икки тоифадаги акция мавжуд — A ва B, шу билан бирга B тоифадаги акциялар А тоифадаги акцияларга қараганда бир неча ўн баробар кўп овоз бериш ҳуқуқини беради. Марк Цукерберг ихтиёрида 75 фоиз акция B тоифада, шу боис у овозларнинг ярмидан кўпини назорат қилади ва исталган қарорни мустақил равишда қабул қилиши мумкин. Инвесторлар Цукербергнинг бошқарув раислиги лавозимини тарк этишини ва бу лавозимни мустақил менежер эгаллашини талаб қилмоқда. Акцияларга келсак, уларни икки тоифага бўлш тизимидан воз кечиш лозим, дейди акционерлар.
Бу, Марк Цукербергни компаниянинг мутлоқ ҳокимиятидан четлатишга бўлган иккинчи уринишдир. Чамаси, ушбу таклиф ўтган йилги акционерлар йиғилишида киритилган, лекин ҳатто кўпчиллик мустақил инвесторлар ҳам қўллаб қувватлаганига қарамай, таклиф аввал бошда кутилганидек, рад этилган. Компониядагилар инвесторларнинг норозилигига изоҳ беришдан бош тортишди.
