Facebook Messenger’да онлайн тўлов имконияти пайдо бўлади

Илованинг сўнгги версиясига онлайн тўловларни бевосита амалга оширишга кўмаклашадиган 30 000 та бот қўшилган. Ушбу ботлар ёрдамида ташқи тўлов ресурсларига ўтмасдан илованинг ўзидан онлайн тўловларни ўтказиш мумкин.

Мазкур функция кеча ўтказилган TechCrunch Disrupt конференциясида Facebook Messenger раҳбари Дэвид Маркус томонидан оммага таништирилган. Унинг айтишича, тез орада мессенжерда Visa, MasterCard, American Express, Stripe, PayPal ва Braintree каби онлайн тўлов тизимлари йўлга қўйилади.

Иловадаги тегишли чатларда “Buy now” (Ҳозир харид қилиш) тугмасини босиш орқали фойдаланувчи онлайн тўловларни амалга ошириши мумкин бўлади. Бунинг учун, албатта, фойдаланувчи ўзининг тўлов картасини мессенжерга боғлаши талаб этилади.

Ушбу фукнция айни пайтда бета-тестларда дастурчилар томонидан синовдан ўтказилмоқда.