Facebook Messenger’нинг Windows 10 версиясида энди қўнғироқларни амалга ошириш мумкин

Facebook Messenger’нинг Windows 10 версиясида энди қўнғироқларни амалга ошириш мумкин

Engadget сайтининг ёзишича, Facebook компанияси Facebook Messenger’нинг Windows 10 версиясига узоқ кутилган аудио ва видео қўнғироқлардан фойдаланиш функциясини қўшган. Мазкур функция iOS ва Android иловаларга татбиқ этилганига анча вақт бўлди. Эндиликда эса Windows 10 дастурига мўлжалланган илова орқали компьютер, планшет ва ноутбукларда ҳам Facebook Messenger’да қўнғироқларни амалга оширса бўлади.

Иловада қўнғироқ қилиш учун айни вақтда онлайн бўлган контактни танлаш ҳамда у билан қай тарзда боғланишга қараб телефон ёки камера белгисига босиш талаб этилади. Барча қўнғироқлар интернет орқали бажарилгани боис сифатли алоқа учун барқарор интернет уланиши зарур бўлади.

Facebook компанияси Messenger’нинг Windows 10 иловаси учун ушбу янгиликни яқинда жорий қилган. Шунинг учун қўнғироқ функцияси ҳали барча ҳудудларда ишламаслиги мумкин. Бундан ташқари, Facebook Windows Phone дастурида ишлайдиган Facebook Messenger иловаси учун видео-қўнғироқ функциясини ҳам қўшганлиги маълум қилинган.

Сайтимизнинг энг чиройли расмларини Инстаграмдаги саҳифамизда томоша қилинг!