Facebook мусиқий дастурини ишга туширди
Facebook 10 ноябрь куни iOS ва Android'лар учун Lasso номли мусиқий дастурини ишга туширди. Дастур фойдаланувчилари 15 сониялик фонограмма остида рақсга тушган ҳолда видео яратишлари мумкин. Бунинг учун Lasso’да яхшигина мусиқий кутубхонаси, эффектларни қўллаш воситалари ва тезликни мослаш имкониятлари(яъни slow motion) мавжуд.
ЎҚИНГ: Facebook янгиланган Messenger’ни намойиш этди: содда, қулай ва... ажойиб!
Lasso’да сиз видео ижодкорларига обуна бўлишингиз, Discover саҳифаси орқали хештеглар ёрдамида видео контентларни қидиришингиз мумкин. Шунингдек, дастурда “куннинг энг яхши видеоси муаллифи” саҳифаси ҳам мавжуд.
Lasso’га кириш Facebook ёки Instagram орқали амалга оширилиши мумкин. Дастурда чоп этилган видеони Facebook Stories’да ҳам чиқариш имкони мавжуд. Маълумотларга қараганда, яқин вақтда Lasso’да Instagram Stories’га ҳам видеоларни импорт қилиш имконияти мавжуд бўлади.
