Facebook янгиланган Messenger’ни намойиш этди: содда, қулай ва... ажойиб!

Мессенжерлар бозоридаги рақобат кучайиб, бу турдаги иловалар ҳам такомиллашмоқда. Facebook компанияси ҳам Messenger иловасининг янада яхшиланган тўртинчи версиясини тайёрлади.

ЎҚИНГ: Facebook Messenger муҳим функция билан бойитиляпти

Ушбу дастурнинг ташқи кўриниши янгиланди, уни бошқариш ҳам қулайлаштирилган. Бундан ташқари, мессенжерда аввалги тўққизта ўрнига энди учтагина варақа бўлади.

Facebook Messenger 4 янгиланганидан кейин унда қуйидаги асосий бўлимлар қолган: Chats, People ва Discover. Булардан биринчисида фойдаланувчининг барча контактлар билан ёзишмалари акс этади, иккинчисида эса айни дамда онлайн бўлган юзерлар кўрсатилади. Учинчи варақа орқали эса ўйинлар ва бошқа турли сервисларга ўтилади.

Илованинг функционали ҳам янгиланган, масалан, энди фотосуратларни узатиш анча соддалашган. Бунинг учун расмни бармоқ билан ушлаб, керакли фойдаланувчи томонга суриш етарли.

ЎҚИНГ: Messenger'нинг трафикни тежайдиган талқини пайдо бўлди

Бундан ташқари, Facebook Messenger ишлаб чиқувчилари смартфонсозликда урфга кирган градиент рангларни ушбу дастурга ҳам жорий этишган. Энди бўлимларни варақлаганда улар мунтазам тарзда турли рангларга кириб туради.

Янгиланган Facebook Messenger 4 иловаси яқин орада барча фойдаланувчилар учун тақдим этилиши кутилаётир.

ЎҚИНГ: Facebook аккаунтингиз бузиб кирилганини аниқлашнинг энг осон йўли