“Флагманлар кушандаси-3”: OnePlus 3 смартфонининг янги дизайни июнь ойида намойиш этилади
Хитойнинг OnePlus стартапи ўзининг юқори техник имкониятларга эга, аммо ҳамёнбоп смартфонлари билан дунё миқёсида тезда обрў қозонган. CNET билан интервьюда компания ҳаммуассиси ва директори Карл Пей навбатдаги “флагманлар кушандаси” янги дизайнга эга бўлиб, иккинчи чоракнинг охирларида – июнь ойида намойиш этилишини таъкидлаб ўтди. Бу ҳақда Gagadget.com нашри хабар қилди.
Ишлаб чиқарувчи, шунингдек, сотиб олиш жараёнини ҳам соддалаштиришга ваъда берди. Бу эса янги гаджетга талаб дастлабки ойларда ниҳоятда улканлиги боис жорий этилган таклифнома тизимидан воз кечилишини англатиши мумкин.
Компаниядагиларнинг умид билдиришича, OnePlus 3 смартфони OnePlus One`да бўлгани каби харидорларда катта қизиқиш уйғотади. Дастлабки маълумотларга кўра, унга Full HD дисплей, кучли Qualcomm Snapdragon 820 процессори ва 4 Гб тезкор хотира ўрнатилади.
Эслатиб ўтамиз, стартапнинг аввалги модели — OnePlus 2 мобиль қурилмалар бозорида муваффақиятга эришган OnePlus One аппаратининг навбатдаги авлоди ҳисобланади. Gizmodo блогида мазкур қурилманинг ўзига хос хусусиятлари алоҳида таъкидланади. Унга «флагманлар кушандаси» деган ном берилган. Oxygen оперцион тизимига, 5,5 дюймли AMOLED (1920×1080) экранга, Qualcomm Snapdragon 810 8 ядрoли процессорига, Google Android 5.1 операцион тизимига, 13 мегапикселли асосий ва 5 мегапикселли олд камерага эга. 9,8 мм қалинликдаги қурилманинг оғирлиги 178 грамм. Қурилма батареяси 3300 mAсоат қувват олиш имконига эга. Бугун етакчи байроқдор қурилмаларда бармоқ изларини сенсорли сканер қилиш тизимининг ўрнатилиши янгилик эмас. Мутахассислар функционал жиҳатдан бу қурилма шу имкониятга эга Samsung Galaxy Note 5, iPhone 6S қурилмаларидан яхшироқ эканини таъкидлашади. Ушбу флагманга оид бошқа маълумотларни қуйидаги мақола ва янгиликлардан билиб олишингиз мумкин:
Google Nexus 6P ёки OnePlus 2: етакчилик байроғи учун кураш
Йилнинг энг яхши смартфонларида олинган суратларни таққослаймиз
