Flyme 6 Spring Edition талқинигача янгиланувчи Meizu смартфонлари

  •   DiMaX
  •  991
  •  31.01.2018 16:44

Flyme 6 Spring Edition талқинигача янгиланувчи Meizu смартфонлари

Meizu компанияси ўз мобил телефонлари учун барқарор Flyme 6 Spring Edition прошивка талқинини тақдим этди. Бир қатор янги функцияларни тақдим этувчи бу дастурий таъминотни Android Lollipop, Marshmallow ва Nougat операцион тизим талқинлари бошқаруви остида ишлайдиган смартфонларга аллақачон юклаб олиш мумкин.

ЎҚИНГ: Meizu'нинг юбилей смартфони iPhone X'дан зўр!

Ишлаб чиқарувчининг ваъда қилишича, унинг жами 34 моделдаги смартфонлари мазкур талқингача янгиланади.

Таъкидлаш керакки, Flyme 6 Spring Edition билан келадиган янги функциялар қурилманинг қайси Android версиясида ишлашига боғлиқ. Масалан, Meizu Pro 7 ҳамда Nougat талқинлари бошқаруви остидаги бир қатор смартфонлар учун тизимнинг умумий ишлаши ва қувват сарфи назорати оптималлаштирилган, «тезкор илова» функцияси қўшилган.

Android Marshmallow ҳамда Lollipop билан ишлаётган телефонлар эса «тезкор илова» функциясига, Avatar 2.0 иловасига ҳамда Meizu Pay тўлов сервисига эга бўлади.

ЎҚИНГ: Meizu 150 долларлик M6S'ни тақдим қилди

Meizu’нинг қуйидаги смартфонлари Flyme 6 Spring Edition талқинигача янгиланади: MX4, MX4 Pro, MX5, MX6, Pro 5, Pro 6, Pro 6S, Pro 6 Plus, Pro 7, Pro 7 Plus, M1 Note, M2 Note, M3 Note, M5 Note, M2, M3, M3S, M5S, M1 Metal, Meizu X, Meizu E2, Meizu MX, M3 Max, U10 ва U20.

ЎҚИНГ: Ҳамёнбоп Meizu M6 Note расман арзонлашди, Тошкентда ҳам сотилмоқда!