Flyme 7 прошивкаси: Meizu смартфонлари учун янги ҳаёт
Meizu компанияси ўз смартфонларининг дастурий таъминоти ҳақида ҳеч қачон бош қотирмаган, чамаси, асосий эътиборни аппаратнинг ички қурилмасига қаратган кўринади. Шу боис ҳам, компания томонидан ўз телефонлари учун янги прошивка ондо-сонда, баъзан бир йилда бир марта чиқарарилган. Шу йил 20 июндан бошлаб ушбу бренднинг барча фойдаланувчилари Flyme 7 прошивкасини ўрнатиб олиши мумкин. Прошивка бешта машҳур смартфон учун, хусусан арзон моделга ҳам бемалол ўрнатилади.
Дастурчилар яқиндагина Flyme 7’нинг якуний вариантини ишлаб чиққанини эълон қилди, унда қатор янгиликлар ҳам жорий қилинган. Янги прошивкада стандарт иловаларнинг ташқи кўриниши, жумладан иконка ҳам сезиларли равишда яхшиланган. Энди кўплаб дастурлар аввалгиларга ўхшамайди. Бунинг эвазига фойдаланиш янада қулай бўлди, эстетик завқ олиш ҳам ортди.
ЎҚИНГ: Meizu 15 Lite Terabayt.uz’да синовдан ўтмоқда
Шунингдек, Flyme 7 туфайли телефонда интерфейснинг қора мавзусини фаоллаштириш мумкин, лекин ушбу функция глобал прошивкада негадир йўқ. Смартфонга ўрнатилган иловаларни бундан буён алфавит бўйича дисплейнинг остки чап томонида тепага ёки пастга свайп қилиш йўли билан излаш мумкин бўлади. Ўрнатилган антивирус ҳам сезиларли даражада модернизациялаштирилган ва ҳозир анча самарали ишлайди, дея таъкидлайди дастурчилар. Яна бир фойдали янгилик: янги прошивкада “парда” ортидаги билдиришнома гуруҳларга бўлиниб жамланиши мумкин, яна тезкор жавоб тизимига ҳам эга.
ЎҚИНГ: iPhone X’ни уялтирган смартфон
OneMind сунъий интеллект тизими ҳисобига Meizu телефони фойдаланувчисини юқори ишлаш тезлиги кутмоқда, жумладан ўйинлардаги кадрлар частотаси (FPS) ҳам. Зеро, буларнинг барчаси ушбу сунъий онгнинг маълумотлари мобиль қурилманинг аппарат имкониятларини бошқариши ҳисобига юз беради, яъни уларни фойдаланувчи охирги лаҳзада нима қилаётган бўлса, шунга тўғрилайди. Бу ҳам қурилманинг вақтинчалик автоном ҳолатда ишлашига ижобий таъсир этиши лозим. Бундан ташқари, машина таълими, бармоқ излари сканери тез ишлай бошлади.
ЎҚИНГ: Meizu 16 флагманлари: нархлари маълум, тавсифи ҳам батафсил
Ҳозирданоқ, Flyme 7 прошивкасини Meizu Pro 7, Pro 7 Plus, MX6 ва M5 Note смартфонларига юклаб олиш ва ўрнатиш мумкин. Буни қилиш жуда оддий. Созлагичдаги «Обновление ПО» бўлимига кирасиз ва қўлда қидиришни бажарасиз. Шунингдек, келгуси 2 ҳафта давомида барча фойдаланувчилар янги дастурни ўрнатиб олинг, деган билдиришномани кўради. Яқин келажакда Meizu’нинг бошқа смартфонлари ҳам янги операцион тизим билан таъминланади.
