Forza Street пойгаси тақдим этилди, у барча смартфонларга ҳам чиқади! (+видео)

Ўзининг мобил платформасини тўхтатгач, Microsoft корпорацияси смартфонлар учун турли дастурий таъминот маҳсулотлари ишлаб чиқаришга ўтганидан хабарингиз бор. Шунингдек, Windows тизими учун дастурларини ҳам қўллаб-қувватлашни, янгиларини тақдим этишни тўхтатгани йўқ.

ЎҚИНГ: Microsoft Edge браузери WebCore асосида янгиланди: энди у русчада овозли ўқишни ҳам эплайди!

Мазкур компания куни кеча Forza Street номли пойга ўйинини компьютерлар учун тақдим этди. Шунингдек, унинг мобил версиясини ҳам тайёрлаётганини айтиб, трейлерини намойиш қилди.

Forza Street пойгаси «шартли бепул» асосда тарқатиладиган дастурий таъминотдир. Унда ўйиннинг ўзи бепул, лекин навбатдаги автомобилни харид қилиш вақтини қисқартириш учун ҳақ тўлашга тўғри келади.

Мана, унинг расмий трейлерини томоша қиламиз:

Мазкур пойга машҳур NFS: Underground ўйинини ҳам эслатиб юборади, ўйин жараёни эса жуда қизиқарли. Forza Street’нинг компьютер версиясини ўйнаб кўрмоқчи бўлсангиз, мана бу ҳавола орқали ўтишингиз мумкин. Android ҳамда iOS учун эса бу пойга шу йилнинг охиригача тақдим этилади.

ЎҚИНГ: Dota 2 бўйича жаҳон чемпионларини Илон Маск «сунъий онг»и тор-мор этди! (+видеолар)