Galaxy A туркуми рақиби – 64 МПлик камерага эга Redmi A Series смартфонлари чиқади!
Xiaomi компаниясининг Redmi суббренди 48 мегапикселлик камера модулига эга илк смартфон – Redmi Note 7 (сотиб олиш) моделини тақдим этганди. Куни кечагина у яна шу жиҳатдан рекордчи – бош камераси 64 мегапикселлик сенсорли қурилма тайёрлаётгани айтилган.
ЎҚИНГ: Redmi'нинг навбатдаги смартфони сизга ёқиши тайин!
Ушбу хабарни бугун яна бир «адашмас» инсайдер – Мукул Шарма (Mukul Sharma) ҳам тасдиқлади. Бугина эмас, балки у мазкур бренднинг янги туркумда – Redmi A Series смартфонларини чиқара бошлашини ҳам айтган. Улардан бири (эҳтимол – биринчиси) худди ўша 64 мегапикселлик камера датчигига эга бўлади.
The 64MP sensor we were talking about might come in a new Redmi A series of smartphones.#Xiaomi #Redmi #RedmiA #redmiAseries
— Mukul Sharma (@stufflistings) 18 июня 2019 г.
Афсуски, янги туркум смартфонлари ҳақида бошқа бирор маълумот йўқ, аммо тахминлар бор. Яъни, Redmi A туркуми вакиллари айнан жанубий кореялик смартфонсознинг Galaxy A сериясидаги қурилмалари билан рақобатга киришади. Масалан, Redmi K20 ҳамда Redmi K20 Pro моделларини шундай номлашдан Xiaomi кўзлаган мақсад – уларнинг Huawei компаниясининг Honor 20 ва Honor 20 Pro флагманларига рақобатчи эканини таъкидлаш бўлган.
Бироқ янги сериядаги смартфонларнинг тақдимот ва савдога чиқиш вақти борасида ҳам ҳозирча аниқ гап йўқ. Terashop.uz интернет-дўконимизда эса турли русумлардаги Xiaomi телефонларини атиги 590 000 сўмдан бошланувчи нархларда харид қилиш имкони бор. Улардан аксариятининг нархлари анча пасайтирилган, шунингдек, айримларини энди пул ўтказиш (перечисление) йўли билан ҳам олишингиз мумкин!
