Galaxy A туркумидаги харидоргир моделларнинг давомчиси қандай бўлади?

Galaxy A туркумидаги харидоргир моделларнинг давомчиси қандай бўлади?

Galaxy A31 Samsung'нинг 2020 йилги A серия смартфонларидан бири бўлади. Номидан ҳам кўриниб турганидек, ушбу смартфон бу йилги A30 ва A30s'ларнинг давомчиси бўлади. 

Яқинда қурилманинг хотира сиғимлари ҳақида маълумот берган эдик. Энди эса гаджет корпусининг ранглари ҳақида маълумотга эга бўлдик.

SamMobile сайтида ёзилишича, Galaxy 31 қора, оқ ва қизил рангларда чиқади. Таққослаш учун, Galaxy A30 қора, оқ, қизил ҳамда кўк рангларда эди. 

Ваҳоланки, A31'нинг қўшимча ранглардаги вариантлари ҳам чиқарилиши мумкин, сабаби A30 тақдим қилинганда қизил рангли версияси мавжуд эмасди. Бу рангдаги корпусга эга A30 кейинроқ сотувга чиққан. A30'дан олти ой ўтиб тақдим қилинган A30s эса фақат учта (қора, оқ ва бинафша) рангларда бўлган.

Galaxy A31'нинг техник жиҳатлари ҳозирча сирлигича қолмоқда. Бироқ A50 ва A51 билан бўлгани каби A31 ҳам A30/A30s'лардан унчалик фарқ қилмаслиги ҳам мумкин. Асосий тафовут қадоқдан ўрнатилган Android 10 ва камера резолюциясининг оширилишида бўлиши мумкин. Балким, Samsung'дагилар A31'ни макро камера билан ҳам жиҳозлар. 

Бу тахминлар қанчалик тўғри-нотўғрилигини фақат вақт кўрсатади.

ЎҚИНГ: Samsung Galaxy A91 билан рендерларда танишамиз

Сайт янгиликларидан доимий хабардор бўлиш учун Телеграм каналимизга қўшилинг!