Galaxy A13 4G ҳамда A23 смартфонлари тақдим этилди
Galaxy A серияси Samsung смартфонлари ичида энг кўп сотиладиган қурилмалар ҳисобланади. Бугун компания Galaxy A13 ҳамда A23 ҳамёнбоп смартфонларини тақдим этди. Иккала модель ҳам 4G тармоғида ишлайди.
Samsung Galaxy A23
Galaxy S23 аввалги S22 модели бироз фарқ қилади. Биринчи катта ўзгариш 6.4 дюймли AMOLED (720х1600 пиксел резолюция, 90Hz) ўрнига 6.6 дюймли LCD (1080х2408 пиксел резолюция 60Hz) ўрнатилган. Тўғрисини айтганда, ушбу модель Galaxy A22 эмас, балки A13 моделига ўхшайди.
Ўзгаришлар камерада ҳам давом этади. 50МП (f/1.8 диафрагма) асосий камера ўрнига 48МП камера ўрнатилган бўлса, 8МП ультракенг камера ўрни эса 5МП билан тўлдирилган. Қолган 2МП сатҳ ҳамда 2МП макро камера эса ўз жойида қолган. Селфи камера резолюцияси ҳам 13 мегапикселдан 8 мегапикселга камайган.
Samsung қурилмага қандай чип ўрнатилгани ҳақида маълумот бермади. Тахминларга кўра, бу Dimensity чипи бўлиши мумкин. Смартфон 4/6/8ГБ тезкор ҳамда 64/128ГБ доимий хотирага эга бўлади. Шунингдек, хотирани microSD картаси билан кенгайтириш мумкин.
Galaxy A23 модели Android 12 операцион тизимига асосланган One UI 4.1 график қобиғида ишлайди. Унга 5,000 мАс сиғимли аккумулятор ўрнатилган бўлиб, 25 ваттда қувватлаш мумкин.
Samsung Galaxy А13 (4G)
Ушбу смартфоннинг 5G модели декабрь ойида тақдим этилган эди. Янги 4G модель эса бир қанча ўзгаришлар билан етиб келди. Юқорида таъкидланганидек, ушбу қурилма кўпроқ A23 моделига ўхшайди.
Қурилма Exynos 850 чипи, 3/4/6ГБ тезкор, 32/64/128ГБ доимий хотирага эга. 165.1 х 76.4 х 8.8 мм ҳажм ҳамда 195г оғирликдаги смартфон Android 12 операцион тизимига асосланган One UI 4.1 график қобиғида ишлайди.
Қурилмага 60Hz частотада ишловчи 1080х2408 пиксел резолюциядаги 6.6 дюймли LCD дисплей ўрнатилган (5G моделда 720х1600 резолюция, 90Hz). Дисплей Gorilla Glass 5 шишаси билан ҳимояланган.
Смартфон, шунингдек, 8МП селфи камера (5G моделда 5МП), 50МП асосий камера, 5МП ультракенг камера, 2МП макро камера ҳамда 2МП сатҳ камерага эга. Асосий ҳамда селфи камера. 1080p форматда видеога олиши мумкин.
Galaxy А13 максимал 300 Мб/с тармоқдан юклаш ва 150 Мб/с тармоққа юклаш тезлигига эга. 3.5 мм аудио жекка эга бўлган қурилмага 5,000 мАс сиғимли аккумулятор ўрнатилган. Аккумуляторни эса 25 ваттда қувватлаш мумкин.
Смартфонга тез орада олдиндан буюртма бериш имконияти пайдо бўлади. Унинг нархи қуйидагича:
4/64ГБ - 190 евро
4/128ГБ - 210 евро
Ҳозирча Galaxy A23 моделининг қандай нархда сотувга чиқиши маълум эмас.
ЎҚИНГ: Galaxy S22 Ultra тирнаш ва букиш тестида ўз мустаҳкамлигини кўрсата олди (+видео)
