Galaxy А23 янги хусусият билан тақдим қилинди!

Galaxy А23 янги хусусият билан тақдим қилинди!

Samsung ўзининг Galaxy А23 смартфонини шу йил бошида Америка ва Европа бозолари учун чиқарган эди. Бугунга келиб эса компания унинг янги версиясини Японияда тақдим қилди.

Samsung Galaxy А23 5G японча версияси IP68 сертификатига эга эканлиги билан ўзига хос ҳисобланади. Қолаверса, ушбу модел кичикроқ, яъни 5.8 дюймли TFT LCD HD+ экранга эга ва унинг юқори марказидан 5 МП селфи камера жой олган. Орқа томонда смартфонга 50 мегапикселли камера ўрнатилган бўлса, ён томонида бармоқ изини аниқлаш сканери телефонни Ёқиш тугмаси билан интеграциялаштирилган.

Қурилма MediaTek'нинг Dimensity 700 чипсети билан жиҳозланган бўлиб, у 4 ГБ оператив ва microSD билан кенгайтириш мумкин бўлган 64 ГБ доимий хотира билан Android 12'га асосланган One UI 4.1 версиясида ишлайди. Унинг 4,000 мА/с батареясини 15 Вт тезликда зарядлаш мумкин. Қўшимчасига смартфонда наушник уяси, ҳамда, NFC мавжуд. Ўз номидан маълумки, смартфон 5G хусусиятига эга, қолаверса у eSIM'ни қўллаб-қувватлайди.

Galaxy А23 5G япон бозорига оқ, қора ва қизил рангларда 32,800 иен (деярли 2 миллион 600 минг сўм) нархда сотувга чиқарилади.

ЎҚИНГ: Galaxy А54 учлик камера билан сифатли рендерларда кўрсатилди