Galaxy A30s тақдимоти яқин – Galaxy A50’дан фарқи йўқ ҳисоби!
Samsung компанияси янгиланган Galaxy A туркумидаги айрим моделларнинг қўшимча – яхшиланган версияларини тайёрлаяпти. Ҳозирча улардан камида Galaxy A10s, A20s ҳамда A30s русумли смартфонлар ҳақида эшитганмиз.
ЎҚИНГ: Samsung энди Galaxy A70s, Galaxy A30s ва Galaxy A20s смартфонларини тайёрлаяпти
Янги маълумотларга қараганда, Ҳиндистонда аллақачон Galaxy A30s ишлаб чиқарила бошлаган, демак – унинг тақдимотига оз вақт қолган. Манбанинг таъкидлашича, унинг оригинал Galaxy A30 (сотиб олиш) моделидан асосий фарқи бош камерасидадир. Яъни, унда камера икки эмас, балки уч модулли бўлади, аммо бу учинчи датчикнинг айнан қанақа модул эканлиги ҳозирча маълум эмас.
Бундан ташқари, Galaxy A30s моделининг экранида ҳам сал фарқ мавжуд: унда энди Infinity-U эмас, балки Infinity-V туридаги дисплей қўлланмоқда.
Яна интернетда тарқалган миш-мишларга кўра, Galaxy A30s смартфонига Exynos 9609 ёки 9610 процессори ўрнатилмоқда. Мазкур чипсет эса Galaxy A30 «электрон юраги» бўлмиш Exynos 7904’га қараганда анчагина самарадор. Агарда шу маълумот рост бўлиб чиқса, Galaxy A30s модели ҳозирда анча харидоргир бўлган Galaxy A50 (сотиб олиш) смартфони билан салкам бир хил бўлиб қолади. Фарқи фақат бармоқ изи сканерининг экранга эмас, балки орқа панелга жойлангани бўлади, холос.
Эслатиб ўтамиз, Terashop.uz интернет-дўконимизда ҳар хил русумлардаги Samsung телефонларини 619 000 сўмдан бошланган нархлар эвазига харид қилиш мумкин.
ЎҚИНГ: «Ўнта қўй нима бўлади!?» – Samsung яна камида тўртта моделда Galaxy A смартфони тайёрлаяпти
