Galaxy A34 5G Geekbenchʼда қўлга тушди
Galaxy A34 5G модели миш-мишларда Exynos 1280 чипига эга бўлиши айтилаётган эди. Бироқ ушбу қурилма Geekbench'да бошқа чип билан кўриниш берди.
Смартфон SM-A346B модель рақамида бўлиб, ундаги чипсет маълумотлар базасига MT6877V/TTZA номи билан киритилган. Бу MediaTek компаниясининг Dimensity 1080 чипи ҳисобланади. Олти нанометрли ушбу чипсет 2 та 2.6 гигагертсли Cortex-А78 ҳамда 6 та 2 гигагертсли Cortex-А55 ядроларига эга.
Тестдаги модель Android 13 операцион тизимида ишлайди. Унинг тезкор хотираси 6ГБ бўлиб, бир ядроли тестда у 786 балл, кўп ядроли тестда эса 2294 баллни қўлга киритди. Худди шу чип билан жиҳозланган Realme 10 Pro+ модели бундан яхшироқ натижани қайд этган эди. Бироқ тестдаги Galaxy A34 сотув учун мўлжалланмаган модель ҳисобланади. Сотув учун мўлжалланмаган модель бундан баландроқ натижага эришиши мумкин.
Миш-мишларга кўра, Galaxy A34 5G ташқи кўринишидан A33 5G моделига ўхшайди. Фарқли томони - янги моделда сатҳ сенсори бўлмайди ҳамда орқа панелдаги уч камера бўртиб чиқиб турган модулда бирлашмайди.
Samsung янги Galaxy A смартфонларини Ҳиндистонда 18 январь санасида тақдим этади. Гарчи компания қайси қурилмалар ушбу санада тақдим этилишини ошкор қилмаган бўлса-да, кўпчилик буни Galaxy A34 5G ва A54 5G моделлари деб тахмин қилмоқда.
ЎҚИНГ: iPhone 15 Pro моделларида жисмоний тугмалар бўлмаслиги айтилмоқда
