Galaxy А34 5G ва Galaxy А54 5G ҳали тақдим қилинмасидан аввал қутидан очиб кўрсатилди!
Samsung расман ўзининг янги Galaxy А34 ва Galaxy А54 5G смартфонларини тақдим қилишга тайёрланмоқда. Компания тақдимотни бир неча кундан сўнг ўтказишни режалаштирган, лекин энди тақдимотни кутиб ўтиришингизга ҳожат йўқ – Интернетда бўлажак Galaxy А смартфонларининг қутидан очиб кўрсатилган видеоси пайдо бўлди.
Маълум бўлишича, ветнамлик YouTube канал эгаси Galaxy А34 5G ва Galaxy А54 5G смартфонларини тақдимотидан аввал қўлга киритишга муваффақ бўлган. У ўзининг видеоси смартфонларнинг қадоқланиши, дизайни ва айрим техник хусусиятларини ошкор қилади.
Биринчи бўлиб Galaxy А34 5G моделидан бошлайдиган бўлсак, видеода унинг ёрқин рангларда товланадиган оқ рангда кўришимиз мумкин. Смартфон дизайни аввал тарқатилган рендерлардаги дизайн бир хил: ҳеч қандай камера оролсиз жойлаштирилган учлик камера ўтган ой тақдим қилинган Galaxy S23 смартфони камераси стилида. Эҳтимол уларни орқа томондан ажратиш қийин. Олд томонда эса экранни ҳар доимгидек Infinity-U рамкаси ўраб туради. Видеода қурилма симли наушник уяга эга эмаслигини кўришимиз мумкин.
Оч яшил рангли Galaxy А54 5G моделига келадиган бўлсак, у ҳам кичик модел билан деярли бир хил дизайнга эга. Уларни фақат олд экран рамкасидан ажратиб олиш мумкин – юқори модел Infinity-О дизайнидаги рамкага эга.
Иккала смартфонларнинг ҳам орқа томони пластик билан қопланган. Шунингдек, қурилмаларнинг пластик рамка ўраб туради.
Galaxy А34 5G ва Galaxy А54 5G смартфонлари 16 март куни Ҳиндистонда тақдим қилиниши кутилмоқда.
