Galaxy А34 ва А54 моделларининг нархи сезиларли даражада ошади

Galaxy А34 ва А54 моделларининг нархи сезиларли даражада ошади

Galaxy А34 ва А54 смартфонлари тез орада тақдим этилиши кутилмоқда. Ўтган йили А33 ва А53 моделлари март ойида тақдим этилганини ҳисобга олсак, уларнинг янги авлоди ҳам шу йилнинг март ойида эълон қилинади. 

Ҳозиргача икки смартфоннинг техник кўрсаткичларига оид кўплаб янгиликлар чиқди. Эндиги навбат икки смартфоннинг Европадаги нархига етиб келди. Маълумотларга кўра, Galaxy А34 моделининг нархи қуйидагича бўлади:

6/128ГБ - 410 евро

8/128ГБ - 430 евро

8/256ГБ - 470-490 евро.

Ўтган йили Galaxy А33 5G модели 370 евро нархдан бошлаб сотувга чиққан эди. 

Galaxy А54'нинг нархи тахминан қуйидагича бўлади:

8/128ГБ - 530-550 евро

8/256ГБ - 590-610 евро.

Юқоридаги нарх ҳам ўтган йилги A53'нинг нархидан бироз баландроқ. 

Galaxy А54 модели White, Lime, Violet ва Graphite рангларда, А34 эса Silver, Violet, Lime ва Graphite рангларда тақдим этилади. 

Техник кўрсаткичлар бўйича А34 модели Dimensity 1080 чипи, 5,000 мАс сиғимли аккумулятор ҳамда 90 герц частотада ишловчи 6.5 дюймли AMOLED дисплейига эга бўлади. 

Galaxy А54 эса Exynos 1380 чипи, 5,100 мАс сиғимли аккумулятор ҳамда 120 герц частотада ишловчи 6.4 дюймли AMOLED дисплейи билан жиҳозланади. Орқа панелдан 108МП асосий, 12МП ультракенг ҳамда 5МП макро камералар ўрин олади.

ЎҚИНГ: Samsung Galaxy S23'нинг техник жиҳатлари ва қадоқ таркиби билан танишамиз 

Сайт янгиликларидан доимий хабардор бўлиш учун Телеграм каналимизга қўшилинг!