Galaxy А34 ва А54 олд томонидан кўрсатилган расмий рендерлар тарқатилди!
Шу кунларда барча эътиборлар Galaxy S23 смартфонларига қаратилган бир пайтда, Эван Бласс (@evleaks) иккита ҳали тақдим қилинмаган Samsung смартфонлари олд томони рендерларини улашди. Катта эҳтимол билан расмий бўлган ушбу рендерлар Galaxy А34 ва Galaxy А54 смартфонларига тегишлидир.
Бу ерда селфи камераси экран рамкасидан узилган дизайнга (Infinity-О) эга смартфон Galaxy А54 бўлса, иккинчи Infinity-U дизайнидаги Galaxy А34 смартфони эканлиги шубҳасиз. Иккала смартфонларга қараб шуни сезиш мумкинки, Galaxy А54 бошланғич моделга қараганда қалинроқ рамкаларга эга, гарчи у ундан қимматроқ бўлса ҳам. Шунингдек, рендерларда смартфонларнинг янги лайм меваси ранггида эканлигини кўришимиз ҳам мумкин.
Аввалги миш-миш ва рендерлардан шуниси маълумки, иккала смартфонлар ҳам учлик камерага эга бўлади, яъни улардан битта камера сенсори олиб ташланган.
Смартфонлар Galaxy S23 смартфонларидан ҳам аввалроқ ёхуд келаётган 18 январ куни Ҳиндистонда тақдим қилиниши кутилмоқда.
ЎҚИНГ: Samsung Узбекистан расман Galaxy Unpacked'нинг аниқ сана ва вақтини эълон қилди
