Galaxy А53 тақдимотидан олдин очиб кўрсатилди (видео)
Агар Apple Samsung'дан кўра бир нимани яхшироқ қилса, у ўзининг ҳали тақдим қилмаган смартфонларини тадбирга қадар очилмаган ҳолда сақлайди. Samsung янги смартфонлари ҳақидаги маълумотларни унчалик сир сақлагиси келмаяпти шекилли, компания тақдим қилиши мумкин бўлган смартфонлар ҳақидаги деярли барча маълумотлар интернетда тарқатиб юборилиб бўлинган.
Келаётган пайшанба куни тақдим қилиниши кутилаётган Galaxy А53 5G аллақачон Сербия онлайн дўконларида 350 евродан, Кеня дўконларида эса 400 доллардан сотувга ҳам чиқиб улгурган ва смартфон жонли суратлари тарқатилган. Ҳатто, бугун унинг қутидан очиб кўрсатилиши видеосини ҳам кўришимиз мумкин. (Дисклеймер: видео баландроқ мем товуши билан бошланади)
Кўриш мумкинки, аввал тарқатилган рендер суратлар видеодаги смартфон билан билан тўлиқ мос келади. Шунингдек, қути ичида фақат кабел мавжуд, қувватлагич адаптери олиб ташланган. Смартфонда наушник учун уя ҳам мавжуд эмас.
Galaxy А53 ва яна икки модел, А33, А73 моделлари расман 17 март Тошкент вақти билан 19:00 да онлайн куни тақдим қилиниши кутилмоқда.
