Galaxy А54 кутилганидан анча эртароқ чиқарилиши мумкин

Galaxy А54 кутилганидан анча эртароқ чиқарилиши мумкин

Samsung ўзининг Galaxy А сериясидаги ўрта флагман смартфонларини баҳор фасли бошида тақдим қилишга одатланган. Таъкидлаш жоизки, смартфонларга тақдимотларидан 2 ой аввал керакли сертификатлар берилади: Galaxy А52 смартфони 2021 йилнинг январ ойида 3C сертификатини олган ва март ойида чиқарилган; бу йилги Galaxy А53 ҳам январ ойида сертификатланди ва март ойида чиқарилди. Бироқ, навбатдаги Galaxy А54 смартфони ушбу анъанани бузиши мумкин.

Фото: TechGoing 

SamMobile нашрининг хабар беришича, Galaxy А54 смартфони Хитойда аллақачон ўзининг 3C сертификатини қабул қилиб улгурди. Бу эса Samsung'нинг бўлажак ўрта синф смартфони аввалгилароқ анча эрта, катта эҳтимол билан ё 2023 йил январида ё унга қадар тақдим қилиниши мумкинлигини англатади.

Қурилма Хитойда SM-А5460 модел рақамига эга. Маълум бўлишича, у 25 Вт тезликда қувватланади ва қутидан Android 13 билан чиқиши мумкин. Аввалроқ, Galaxy А54 ўзининг аввалгисидан 100 мА/с кўпроқ, 5,100 мА/с батарея сиғимига эга бўлиши, бироқ камера борасида паст мегапикселли камера билан жиҳозланиши ва ундан битта камера олиб ташланиши миш-миш қилинган эди.

ЎҚИНГ: Galaxy А14 қутидан Android 13 билан чиқадиган илк Samsung смартфони бўлиши мумкин