Galaxy A60 тақдимот арафасида TENAA’да: 6.3 дюймлик Infinity-O дисплей, учталик камера ва 3410 мА/соатлик аккумулятор!

Samsung ўзининг ўрта нархли ҳамда ҳамёнбоп смартфонлар туркумларига ҳам жиддий эътибор бермоқда. Жумладан, куни кеча намойиш қилинган Galaxy A70 модели ҳатто компаниянинг флагманидан кучли жиҳатларга эга.

ЎҚИНГ: Galaxy A70 тақдим этилди: Snapdragon 670 ва иккита 32 МПлик камера; 4500 мА/соатлик аккумулятори эса Galaxy S10’дан тез қувватланади!

Энди эса TENAA агентлиги сайтида Galaxy A60 модели ҳақида ҳам айрим маълумотлар пайдо бўлди. Суратларига қараганда, унинг ташқи кўриниши Galaxy A8s смартфонига ўхшаб кетади. Кутилаётган қурилмада кенг форматли Infinity-O туридаги дисплей қўлланган, яъни унинг юқори чап бурчагида олд камера учун «тешик» мавжуд. Корпуснинг орқа қопқоғида бармоқ изи сканери ҳамда уч модулли камера жойлашган.

TENAA ҳужжатларига кўра, Samsung Galaxy A60 моделида диагонали 6.3 дюймлик Full HD+ дисплей қўлланган. Унинг процессори саккиз ядроли бўлиб, максимал 2.0 ГГц такт частотасида ишлаши маълум қилинган, аммо бу чипсет модели номаълум.

Galaxy A60 смартфони 6/8 ГБлик тезкор ва 64/128 ГБлик доимий хотира билан тақдим этилади. Унинг олд камераси 32, бош камера эса 16+8+5 мегапикселлик датчикларни ўз ичига олган. Смартфоннинг «қувват тоши» эса 3410 мА/соатлик аккумулятордир.

Samsung ушбу гаджетини 10 апрель куни уч хил: Black, Blue ва Orange рангли корпусларда тақдим этади. Компаниянинг жаҳон бозорига чиқарилган аксарият смартфонларини, жумладан, Galaxy A30 ҳамда Galaxy A50 моделларини эса аллақачон Terashop.uz интернет-дўконимиздан онлайн усулда сотиб олиш мумкин.

ЎҚИНГ: Ниҳоят, Galaxy S10+ ҳам Terashop.uz’га келди! Samsung смартфонлари нархлари (2019 йил 13 март) – акцияси ҳам бор!