Galaxy A6s смартфонининг «жонли» сурат ва хусусиятларини TENAA ошкор этди

  •   DiMaX
  •  2909
  •  02.10.2018 11:52

Galaxy A6s смартфонининг «жонли» сурат ва хусусиятларини TENAA ошкор этди

Samsung компанияси янги серияга мансуб Galaxy P30 ва P30+ смартфонларини чиқармоқчи эканлиги ҳақида сентябрнинг охирларида хабарлар чиққанди. Лекин кейинчалик бу маълумотлар рад этилди – ушбу телефонлар тегишлича Galaxy A6s ва Galaxy A6s+ моделлари тарзида тақдим этилади.

ЎҚИНГ: Энди Galaxy A6s: Samsung Galaxy P30 смартфонининг номини ўзгартирди

Хитойнинг телекоммуникация соҳасида гувоҳнома берувчи TENAA ташкилоти сайтида Galaxy A6s смартфонининг «жонли» суратлари чиққани ҳақида хабар бергандик. Энди эса ушбу манба унинг айрим техник хусусиятларини ҳам ошкор қилди.

Маълум бўлишича, Samsung Galaxy A6s смартфони диагоналига 5.99 дюймлик LCD-дисплейга эга. IPS матрицали ушбу экраннинг тасвир сифати Full HD+ форматида, яъни 2160х1080 пикселли.

TENAA ҳужжатларига кўра, бу смартфонга максимал 2.2 ГГц такт частотасида ишловчи чипсет ўрнатилган. Кузатувчилар унинг Snapdragon 660 ёки Snapdragon 710 процессори бўлиши мумкинлигини тахмин қилишмоқда.

ЎҚИНГ: Galaxy P30 смартфонининг «жонли» расмлари Samsung мухлисларининг ҳафсаласини пир қилди!

Galaxy A6s тезкор хотираси 6 гигабайтлик, доимий хотираси эса 64/128 гигабайтлик бўлиши айтилган. Унинг асосий камераси қўшалоқ бўлиб, 12 ва 2 мегапикселли моделларни ўз ичига олади, улар остида фоточақноқ жойлашган. Селфилар учун эса экран тепасига 5 мегапикселли олд камера ўрнатилган.

Смартфоннинг аккумулятори 3300 мА/соатлик ток сиғимига эга. У қадоқданоқ Android 8.1 Oreo операцион тизим талқинига асосланган Samsung Experience график қобиғи бошқаруви остида ишлайди.

Galaxy A6s моделини Samsung қачон кўрсатмоқчи эканлиги ҳозирча номаълум. Эҳтимол, у ҳам 11 октябрда – компаниянинг асосий камераси нақ тўртта модулли илк смартфони – Galaxy A9s билан бирга тақдим этилар. Жанубий кореяликларнинг аксарият моделлардаги смартфонларини эса Terashop.uz интернет-дўконимизда онлайн харид қилишингиз мумкин.

ЎҚИНГ: Galaxy A9s – Samsung’нинг «тўрткўз» камерали илк смартфони!

Хабарларни тез ва осон ўқиш учун Андроид иловамизни сақлаб олинг.