Galaxy A9s – Samsung’нинг «тўрткўз» камерали илк смартфони!
Жанубий кореялик техногигант жорий йилнинг 14 сентябрида ўзининг тўрт модулли бош камера смартфон намойиш этишини айтиб таклифнома тарқатганди. 11 октябрга белгиланган ушбу тадбирда кўрсатиладиган янги қурилманинг Galaxy A9 Star Pro модели сифатида тақдим қилиниши кутилаётган эди.
ЎҚИНГ: Тўртта объективли бош камерага эга Galaxy A9 Star Pro смартфони илк суратларда!
Энди тарқалаётган янги хабарларга кўра, модел рақами SM-A9200 бўлган мазкур девайс Galaxy A9s номи остида чиқарилади. Унинг асосий ўзига хослиги – нақ тўртта объективли бош камераси бўлади. Улардан асосий модул 24 МПлик, иккинчиси – кенг бурчакли (120°) ва 8 МПлик. Қолган иккита объектив эса 10 ва 5 мегапикселли бўлиб, турлича оптик зумга эга.
«Сизиб чиққан» маълумотларга қараганда, Galaxy A9s дигоналига 6.28 дюймлик, Full HD+ форматли AMOLED-дисплейга эга. Мазкур гаджетга Snapdragon 660 процессори, 4/6 ГБ тезкор ва 64/128 доимий хотира ўрнатилади. Android 8.1 Oreo операцион тизими бошқаруви остидаги бу смартфон 3720 мА/соатлик аккумулятордан қувват олиб ишлайди.
Жанубий кореялик техногигантнинг шу пайтгача бозорга чиқарилган кўплаб моделлардаги смартфонларини Terashop.uz интернет-дўконимиздан онлайн усулда харид қилишингиз мумкин. Дарвоқе, Galaxy A9s моделидан ташқари, Samsung яқинда яна битта – Galaxy A6s моделини ҳам тайёрлаган.
ЎҚИНГ: Энди Galaxy A6s: Samsung Galaxy P30 смартфонининг номини ўзгартирди
