Galaxy Book 3 сериясидаги ноутбуклар нархи маълум бўлди
Galaxy S23 смартфонлари билан бирга Samsung компанияси Galaxy Book 3 сериясидаги ноутбукларни ҳам тақдим қилишга тайёрланмоқда. Интернетда уларнинг маркетинг суратлари ва техник хусусиятлари жадвали тарқатилди.
Galaxy Book 3 Ultra'нинг техник хусусиятлари жадвали, аввал хабар қилинган маълумотларни тасдиқлайди: ноутбук 13 авлод Core i9 процессори, ҳамда, NVIDIA RTX 4070 GDDR6 8ГБ графикаси билан 32 ГБ LPDDR5 оператив ва 1 ТБ NVMe SSD хотирасида Windows 11 Home операцион тизими ўрнатилган ҳолда келади.
Унинг 16 дюймли AMOLED экранида ҳеч қандай камера тирқиши йўқ. 1080p FHD камера экранни ўраб турган нозик рамка орасига жойланган. Ноутбукнинг эътиборли хусусиятлари бири, унинг Wi-Fi 6E технологиясини қўллаб-қувватлашидадир. Ноутбук учли хил вариантда қуйидаги нархлар билан таклиф қилинади.
- Galaxy Book 3 Ultra – i9/32 ГБ/1 ТБ – 3799 евро
- Galaxy Book 3 Ultra – i7/16 ГБ/1 ТБ – 3099 евро
- Galaxy Book 3 Ultra – i7/16 ГБ/512 ГБ – 2899 евро
Galaxy Book 3 қаторида 360 модели ҳам бор. У иккитаси бирда қурилма ҳисобланади, яъни у ҳам планшет, ҳам ноутбук бўла олади. Улашилган техник хусусиятлар жадвалига кўра, Galaxy Book 3 360 модели 13-авлод Core i5 процессорида Iris Хе графикаси билан 16 ГБ LPDDR5 оператив ва 256 ГБ NVMe SSD хотирасида ишлайди.
Унинг 13.3 дюймли AMOLED экрани сенсорли бўлиб, у S Pen'ни ҳам қўллаб-қувватлайди. Унинг нархлари эса қуйидагича:
- Galaxy Book 3 360 – i7/16 ГБ/1 ТБ – 1849 евро
- Galaxy Book 3 360 – i7/16 ГБ/512 ГБ – 1749 евро
- Galaxy Book 3 360 – i5/8 ГБ/512 ГБ – 1449 евро
Афсуски, қолган моделлар ҳам қўшимча маълумотлар йўқ, лекин уларнинг ҳам нархлари ошкор қилинган:
- Galaxy Book 3 Pro – i7/16 ГБ/512 ГБ – 1949 евро
- Galaxy Book 3 Pro – i5/8 ГБ/512 ГБ – 1749 евро
- Galaxy Book 3 Pro 360 (ёхуд Pro SE) – i5/8 ГБ/512 ГБ – 1949 евро
- Galaxy Book 3 360 – i5/16 ГБ/512 ГБ – 1099 евро
Таъкидлаш жоизки, нархлар Австралия бозорига кўра кўрсатилган.
ЎҚИНГ: Galaxy S23 Ultra пасайтирилган мегапиксели селфи камерага эга бўлади
