Galaxy F буклама смартфони тақдимот санасини Samsung расман, аммо антиқа тарзда эълон қилди!
Samsung компанияси қайишқоқ экранли букланувчи смартфонини 2018 йилнинг ноябрь ойида кўрсатган, аммо у ҳақда батафсил маълумот бермаган эди. Аммо кейинроқ Terabayt.uz унинг батафсил видеоси, нархи ва бошқа маълумотларини эълон қилган.
ЎҚИНГ: Galaxy F буклама смартфони таннархини Galaxy S9+ ҳамда iPhone XS Max’ники билан солиштирамиз!
Жанубий кореялик корпорация ушбу инқилобий гаджетининг намойиш санасини ўта антиқа тарзда эълон қилди. У Парижнинг тарихий марказида кўпчиликка тушунарсиз бўлган корейс тилида реклама баннерларини ўрнатиб чиққан.
Ушбу эълонлар корейс тилининг фонематик ёзуви – Хангил имлосида ёзилган. Интернет-нашрлар уларни инглизчага «The future unfolds» ҳамда «February twentieth» деб ўгиришган. Булардан биринчиси «Келажак ёйилади» маъносида бўлиб, Samsung буклама смартфонининг рекламалардаги шиори ҳисобланади.
ЎҚИНГ: Galaxy F буклама смартфони: учталик камера, мутлақо янги – Sony IMX374 датчиги!
Иккинчи ёзув эса «Февраль, йигирманчи» маъносида – бу эса девайснинг тақдимот санасига ишора қилади.
Samsung ушбу смартфонини Galaxy Folder деб номлаши айтилган ва у чекланган миқдорда – бир миллион нусхада ишлаб чиқарилади. Кореяда унинг нархи 1.5 миллион вон бўлиб, бу тахминан 1350 АҚШ долларига тенг.
Айтиш керакки, компания Galaxy S10 туркумидаги флагманларининг ҳамда ҳамёнбоп Galaxy M смартфонларининг ҳам тақдимот саналарини расман эълон қилган.
