Galaxy Fold ғилофини Samsung яна битта смартфон нархида сотади!

  •   DiMaX
  •  1560
  •  06.04.2019 16:02

Galaxy Fold ғилофини Samsung яна битта смартфон нархида сотади!

Samsung ўзининг инқилобий қурилмаси – Galaxy Fold буклама смартфонини февралда тақдим этган бўлса-да, сотувга ҳали чиқармади. Компания ҳозирда яна иккита буклама смартфон тайёрлаяпти, улардан бири Huawei Mate X’га ўхшайди.

ЎҚИНГ: «Жонли» видео: битта Mate X нархига учта буклама 5G-смартфон – Energizer Power Max P8100S олиш мумкин!

Galaxy Fold смартфонини харид қилганлар ҳам уни авайлаб, ғилофга солиб, ҳимоялаб ишлатишлари тайин. Англиядаги энг йирик смартфон аксессуарлари дўкони – MobileFun сайтида ёзилишича, Samsung мазкур қурилма учун ўзи ғилоф ҳам тақдим этади ва у тахминан мана бундай кўринишда бўлади:

Энг қизиғи шундаки, жанубий кореялик корпорациянинг ушбу аксессуари 120 долларга баҳоланади, бу эса бендайроқ битта смартфоннинг нархига тенг!

MobileFun интернет-дўкони эса Galaxy Fold учун арзонроқ ғилофларни ҳам таклиф этмоқда. Жумладан, Case-Mate моделлари, версиясига боғлиқ ҳолда 45 ва 65 доллар туради. Samsung эса Galaxy Fold учун чиқариладиган ғилофларини икки ойдан сўнг, оқ ва қора рангларда сотувга қўяди.

ЎҚИНГ: Эшагидан тушови қиммат: бу смартфон ғилофи нақ 3012 доллар туради!

Сайтимизнинг энг чиройли расмларини Инстаграмдаги саҳифамизда томоша қилинг!