Galaxy J8 Россияда сотилмоқда, нарх - ҳайратланарли!
Samsung компанияси яхши смартфон ишлаб чиқаришда ном қозонган ва ишончни оқлаган. Шу билан бирга, бу улкан компаниянинг катта бир хатоси бор – смартфон баҳоси жуда юқори. Аксарият экспертларнинг фикрича, компаниянинг рақиб ишлаб чиқарувчиларидан фарқи қолмаган, яхона фарқ -- смартфон корпусидаги логотип.
Бугун, яъни 19 июль куни россияликлар Кореянинг етакчи компанияси тақдим қилган Samsung Galaxy J8 телефонини харид қилиш имконига эга бўлдилар. Бироқ, нарх хафа қилади.
Samsung Galaxy J8 смартфони ишлаб чиқарувчининг ҳамёнбоп туркумга мансуб модели саналади. Унинг техник имкониятлари ҳам шунга монанд.
Samsung Galaxy J8 6 дюймли, HD+ сиғимли (1480 x 720 пикселли) Super AMOLED матрицали, 18.5: 9 ўлчамли ҳамда 2.5D ҳимоя шишаси билан қопланган Infinity дисплейга эга бўлган.
Смартфонга 1.8 Ггц частота тезлигида ишлайдиган Snapdragon 450 процессори ўрнатилган, у маълумотларни 14 нанометрли техник жараёнда қайта ишлайди. Тезкор хотира сиғими 4 Гб, доимий хотира эса 64 Гб.
Galaxy J8 бош камераси қўш - 16 мегапикселли асосий ва 5 мегапикселли ёрдамчи сенсор. Булар ёрдамида орқа фони ғира-шира қилинган суратлар олиш мумкин. Олд камера эса 16 мегапикселли суратлар олади. Бармоқ изи сканери билан бирга, смартфоннинг олд камераси фойдаланувчи қиёфаси ёрдамида смартфон тизимини очиш функцияси ҳам жорий қилинган.
Galaxy J8 қуввати учун ток сиғими 3500 мА соат бўлган аккумултяор ўрнатилган.
Россияда Galaxy J8 моделининг энг арзони талқини, яъни 3 ГБ оператив ҳамда 32 ГБ доимий хотирага эга талқини учун 18 990 рубль, аниқроғи 300 АҚШ доллари сўралмоқда.
Ўқинг: Xiaomi Redmi 5: "Малика"дан "бешни олинг"!
Бу пулга иккита Xiaomi Redmi 5 телефонидан олиш мумкин. Ваҳоланки, бу мобил қурилмаларнинг техник имкониятлари деярли бир хил. Бундан келиб чиқадики, кореялик бренд ҳамёнбоп гаджетига инсофсизларча нарх қўйган.
