Galaxy M20 арзон смартфонлар орасида энг сиғимдор аккумуляторга эга бўляпти! (+«жонли» расм)

  •   DiMaX
  •  4119
  •  20.12.2018 16:31

Galaxy M20 арзон смартфонлар орасида энг сиғимдор аккумуляторга эга бўляпти! (+«жонли» расм)

Samsung янги, ҳамёнбоп туркумдаги Galaxy M10 ҳамда M20 смартфонларини тайёрлаётганидан хабарингиз бор. Булардан иккинчиси компаниянинг «кемтик» экранли илк модели бўлаётир.

ЎҚИНГ: «Жонли» расмлар: ҳамёнбоп Galaxy M20 ҳам қўш камера, USB-C порти ва қулоқчин тирқишига эга экан!

Allaboutsamsung нашри Galaxy M20 смартфони ҳақидаги айрим инсайдерлик маълумотларини эълон қилди. Унга кўра, мазкур гаджет Infiniti-U дисплейга эга, яъни дисплейининг юқори қисми ўртасида томчисимон «ўйиқ» бор. Ҳозиргача аниқланган маълумотлар асосида тайёрланган Galaxy M20 рендер суратини қуйида кўрамиз:

Бундан ташқари, Samsung ушбу моделга ҳамёнбоп смартфонлари орасида энг сиғимдор – нақ 5000 мА/соатлик батарея ўрнатмоқда.

ЎҚИНГ: Ҳамёнбоп Galaxy M смартфонларининг нархлари ва айрим жиҳатлари маълум бўлди

Galaxy M20 дисплейи ҳақидаги маълумотни исботловчи яна битта далил бугун эълон қилинди. Яъни, инсайдерлар ушбу модел учун тайёрланган ҳимоя шишасининг «жонли» суратини тарқатиб юборишди:

Samsung Galaxy M20 смартфонининг техник хусусиятлари ҳақидаги маълумотларни аввалги бир нечта хабарларимизда эълон қилганмиз. Унинг нархи конфигурациясига қараб 140–220 АҚШ доллари орасида бўлишини айтишмоқда. Ҳозиргача глобал бозорга тақдим этилган айрим Samsung смартфонларини эса Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.

ЎҚИНГ: «Тўрткўз» Galaxy A9 ҳам Terashop.uz’га етиб келди, Samsung смартфонларининг арзонлашган нархлари (2018 йил 10 декабрь) – Ўзбекистон бўйлаб бепул етказилади!