Galaxy M20 смартфони Samsung‘нинг «кемтик» экранли илк модели бўлиши мумкин!
Samsung компанияси бирданига Galaxy J, Galaxy On ҳамда Galaxy C туркуми ўрнига янги – Galaxy M сериясидаги смартфонларини тайёрлаётгани ҳақида хабар берганмиз. Улардан бири ҳатто бенчмаркларда ўз кучини кўрсатишга ҳам улгурган.
ЎҚИНГ: Samsung Galaxy M20 ва Galaxy M30 – ҳамёнбоп смартфонларми ёки ўрта нархли?
Янги хабарларга кўра, Galaxy M20 (ёки Galaxy M2 деб номланиши ҳам мумкин) русумли смартфоннинг экрани тепасида «ўйиқ» бўлиши мумкин. Агар чиндан Samsung шундай йўл тутса, бу унинг «кемтик»ли дисплейга эга биринчи смартфони сифатида майдонга тушади.
Айтиш керакки, жанубий кореяликларнинг мазкур гаджети экранидаги «кемтик» купертиноликларнинг iPhone X суперфлагмани ёки бошқа кўплаб смартфонлардаги сингари катта бўлмайди. Бу ерда гап олд камера учун кичкинагина «ўйилган» Infinity-U туридаги дисплей ҳақида кетмоқда. Samsung лойиҳалаштирган Infinity-U, Infinity-V, Infinity-O ва New Infinity деб номланувчи экранлар ҳақидаги маълумот эса қуйидаги мақоламизда:
ЎҚИНГ: Galaxy A8s’нинг тешик экранини илк бор «жонли» томоша қиламиз!
Юқоридаги ва мана бу расмлар интернетда тарқалган маълумотлар асосида ишланган, аслида эса Samsung Galaxy M20 бошқачароқ кўриниш олиши ҳам мумкин.
Ушбу қурилма тез орада тақдим этилиб, янаги йил бошида сотувга чиқарилиши ҳам мумкин. Samsung аллақачон бозорга тақдим этган айрим смартфонларни эса Terashop.uz интернет-дўконимиздан 899 000 сўмдан бошланувчи нархларда харид қилиш имкони мавжуд.
