Galaxy M40: «идеал смартфон» кутилганидан арзон экан – янги жиҳатлари билан танишамиз!

  •   DiMaX
  •  5751
  •  31.05.2019 12:59

Galaxy M40: «идеал смартфон» кутилганидан арзон экан – янги жиҳатлари билан танишамиз!

Samsung компаниясининг арзон смартфонлар туркумига кирувчи Galaxy M40 модели унчалик ҳам арзон бўлмаётгани ҳақида хабар берганмиз. Шунга яраша, унинг хусусиятлари ҳам флагманларникидан қолишмайди.

ЎҚИНГ: Samsung бўлажак хит – Galaxy M40’нинг тақдимот куни ва яна бир флагманча хусусиятини расман эълон қилди!

Машҳур инсайдер Ишан Агарвал (Ishan Agarwal) куни кеча Samsung Galaxy M40 смартфонининг расмий рендер суратини эълон қилди. Шунингдек, ушбу моделнинг қора, кўк ва апельсин рангли корпусларда чиқарилишини ҳам тасдиқлади.

Samsung Galaxy M40 моделининг тахминан 360 долларга тенг нархда сотувга чиқиши ҳақида хабарлар тарқалган эди. Лекин Ишан Агарвалнинг ёзишича, бу смартфон кутилганидан арзонроқ – унинг Ҳиндистондаги нархи 285 АҚШ доллари атрофида бўлади!

Куни кечагина чиққан хабарга кўра, Samsung Galaxy M40 билан бирга 100 долларлик Galaxy A10s (ёки Galaxy A10e) ҳам намойиш этилади.

ЎҚИНГ: Galaxy A10e: атиги юз долларлик смартфон Geekbench’да «қўлга тушди»!

Galaxy M40 девайси Snapdragon 675 процессори, 6 ГБ тезкор ва 128 ГБ доимий хотирага эга. Худди Galaxy S10 (сотиб олиш) флагманларидаги каби, унинг ҳам дисплейида олд камера учун тирқиш очилган. Орқа панелда уч модулли бош камера ва бармоқ изи сканери жойлашган.

Балки сиз ҳам эътибор бергандирсиз, ушбу смартфон аввалроқ тақдим этилган Galaxy A60 смартфонига ташқи кўриниши жиҳатидан жуда ўхшаш. Samsung India вице-президентининг ўз интервьюсида айтишича, Galaxy M40 модели бош камерасида асосий сенсор 32 мегапикселлик, селфи-камера модули эса 16 мегапикселлик экан. Буни қарангки, Galaxy A60 гаджетининг конфигурацияси ҳам худди шундай!

Юқоридагилардан келиб чиқиб, кузатувчилар шундай фикр билдиришмоқда: Galaxy M40 дегани – Ҳиндистонда сотувга чиқарилмаган Galaxy A60 моделининг айнан ўзи, фақат бу мамлакатда бошқа ном билан тақдим этиляпти. Буни энди 11 июнда (балки ундан ҳам аввалроқ) аниқ билиб оламиз, Terabayt.uz’ни кузатишда давом этинг.

ЎҚИНГ: Galaxy A60 намойиш қилинди: NFC, «гапирувчи» ва «тешик» экран, 32 МПлик иккита камера ва ўртача нарх!

Ушбу компаниянинг аллақачон глобал савдога чиққан айрим телефонларини эса атиги 451 000 сўмдан бошланувчи нархларда Terashop.uz интернет-дўконимиздан харид қилиш имкони мавжуд. Бундан ташқари, Samsung ёки бошқа ишлаб чиқарувчининг смартфонини ишлатаётган бўлишингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда Xiaomi компаниясининг ажойиб фитнес-браслети – Mi Band 3 ютиб олиш имконияти мавжуд.

Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади! Бу ҳақдаги батафсил маълумотни мана бу ерда олишингиз мумкин.

ЎҚИНГ: «Ўнта қўй нима бўлади!?» – Samsung яна камида тўртта моделда Galaxy A смартфони тайёрлаяпти

Сайтимизнинг энг чиройли расмларини Инстаграмдаги саҳифамизда томоша қилинг!