Galaxy M51 сал кечроқ, Galaxy S20 Lite эса эртароқ чиқади
Samsung компаниясининг арзон смартфонлар туркумидаги Galaxy M51 модели ҳқидаги дастлабки хабарлар йилнинг бошидаёқ тарқалган. Яқинда уни Geekbench сервисида синаб ҳам кўришган.
ЎҚИНГ: Samsung’нинг навбатдаги арзон смартфонлари – Galaxy M51 ҳамда M31s ҳақида хушхабарлар бор!
Жанубий кореялик техногигант ушбу смартфонини шу ой сўнги ёки кейинги ой бошида расман намойиш этилиши кутилаётган эди. Лекин манбаларнинг маълум қилишича, ишлаб чиқариш жараёнидаги муаммолар сабабли Samsung мазкур тақдимотни кечиктиряпти. Galaxy M51 энди сентябрь ойида, Ҳиндистонда тақдим қилинади.
Шу билан бирга, арзонлаштирилган флагман – Galaxy S20 Lite моделини кутаётганлар учун хушхабар ҳам бор. Биласизки, унинг «аждод»и – Galaxy S10 Lite смартфони ўтган йилнинг сўнгида тайёрланиб, бу йилнинг бошида намойиш қилинган. Шундан келиб чиқиб, Galaxy S20 Lite оммага йилнинг охирида кўрсатилиши кутилаётган эди. Бироқ ишлаб чиқарувчининг юртидаги ETNews нашрига кўра, Samsung уни анча эрта – октябрь ёки ҳатто сентябрь ойида тақдим этиши мумкин!
Эслатиб ўтамиз, бу моделни бозорга Galaxy S20 Fan Edition номи остида чиқаришлари эҳтимоли ҳам бор. Унинг эртароқ намойиш қилиниши сабабларидан бири – «ашаддий рақиб»нинг iPhone 12 туркумидаги смартфонларидан аввал бозорга кириб боришини таъминлаш бўлса керак.
ЎҚИНГ: Galaxy A01 Core – энг арзон Samsung смартфони билан танишамиз!
