Galaxy Note 10 эртароқ чиқадиган бўлди, тақдимот жойи ҳам маълум!
Samsung компанияси навбатдаги планшетофони – Galaxy Note 10 гаджетини 10 август куни намойиш этиши айтиб келинаётган эди. Смартфонсозлик саноатининг адашмас информаторларидан бўлган Мукул Шарма (Mukul Sharma) эса бу борада бошқа маълумотни улашди.
ЎҚИНГ: Galaxy Note 10 ҳамда Note 10 Pro тақдимот куни аниқ, лекин улар аллақачон ҳафсалани пир қилди
Terabayt.uz сайтида ушбу фаблет компаниянинг энг катта смартфони бўлиши, шунингдек, селфи-камераси стилусга ўтказилиши ҳақида ёзганмиз. Шунингдек, унинг икки версияда чиқарилиши, шулардан биттаси ихчамроқ ва арзонроқ бўлиши ҳам айтилган, видео ва суратларда батафсил кўрсатилган.
Хулласи калом, Мукул Шарманинг хабар беришича, Galaxy Note 10 смартфонининг расмий намойиши 7 августга белгиланган. Мазкур маросим «Бруклин Нетс» баскетбол жамоасининг ҳамда «Нью-Йорк Айлендерс» хоккей жамоасининг уй аренаси бўлмиш «Барклайс-центр»да бўлиб ўтади.
Samsung Galaxy Note 10 launching on August 7.@CNET#samsung #samsunggalaxynote10 #GalaxyNote10Pro pic.twitter.com/uRdLRmulye
— Mukul Sharma (@stufflistings) 19 июня 2019 г.
Бу йил стандарт Galaxy Note 10 моделидан ташқари, Galaxy Note 10 Pro версияси ҳам чиқиши маълум, яна нисбатан арзон ва ихчамроқ Galaxy Note 10e ҳам бўлиши мумкин. Ҳозирча уларнинг нархлари аниқ эмас, аллақачон глобал савдога чиққан айрим Samsung телефонларини эса атиги 451 000 сўмдан бошланувчи нархларда Terashop.uz интернет-дўконимиздан харид қилиш имкони мавжуд.
ЎҚИНГ: 2019 йилнинг энг зўр 10 смартфони («Роскачество» талқини) ва нархлари
