Galaxy Note 10 «кушанда»си Geekbench’да: Burton процессори ва нақ 12 ГБ «оперативка»!

  •   DiMaX
  •  1335
  •  28.01.2020 14:19

Galaxy Note 10 «кушанда»си Geekbench’да: Burton процессори ва нақ 12 ГБ «оперативка»!

Ҳозирда энг кучли ва йирик Android-смартфонлар – Samsung ўтган йил августда тақдим этилган моделлар – Galaxy Note 10 фаблетларидир. Лекин ҳозирда Lenovo компаниясига қарашли бўлган афсонавий Motorola бренди унинг рақибини тайёрламоқда.

ЎҚИНГ: Samsung аллақачон Galaxy Note 20’ларни тайёрлаяпти: дизайни ва фарқларини расмларда кўрамиз

Таниқли инсайдер Эван Блэсс (Evan Blass) ёзишича, ушбу фаблет Motorola Edge Plus деб номланади. Интернетда унинг рендер ҳамда «жонли» расмлари тарқала бошлаган.

Худди Galaxy Note 10 планшетофонлари сингари, Motorola Edge Plus ҳам стилусга эга. Шунингдек, ишлаб чиқарувчи унинг олд камераси учун дисплейнинг уқори чап бурчагида тирқиш очган.

ЎҚИНГ: Энг оммабоп 10 смартфон (4-ҳафта)

Бундан ташқари, Motorola Edge Plus аллақачон Geekbench сервисида ҳам текшириб кўрилган ва қуйидагича балл олган:

Бенчмарк маълумотлар базасида акс этишича, Motorola Edge Plus кодли номи Burton бўлган номаълум процессорга таянади. Қурилма 12 гигабайтлик тезкор хотира билан, Android 10 операцион тизими бошқаруви остида ишлайди.

Motorola мазкур смартфонини февраль ойидаги Mobile World Congress 2020 (MWC 2020) тадбирида намойиш этиши мумкин.

ЎҚИНГ: AnTuTu’да янги рекорд, лекин бу Galaxy S20 ҳам, Mi 10 ҳам эмас!

Terabayt.uz сайтининг видеолари: Youtube'даги каналимизда!