Galaxy Note 10 – Samsung’нинг энг катта смартфони!
Samsung корпорациясининг 2019 йилга режалари катта – Galaxy Flex буклама смартфони, учта моделда оддий Galaxy S10 ва унинг битта 5G-версияси. Шунингдек, у анъанавий тарзда йирик экранли Galaxy Note 10 фаблетини ҳам тақдим этади.
ЎҚИНГ: Samsung Galaxy Note 10 ҳақида илк маълумотлар эълон қилинди
Машҳур инсайдер Ine universe ўзининг Twitter-аккаунтида Samsung компаниясининг келаси йили намойиш этадиган флагманлари ўлчами ҳақида маълумот эълон қилди. Унга кўра, Galaxy Note 10 планшетофони жанубий кореяликларнинг энг ўлчами катта телефони бўлади. Унинг экрани диагоналига 6,75 дюймлик бўлиб, бу ўтган йилги Note 9 фаблетидан ва «ашаддий рақиби»нинг iPhone XS Max моделидан ҳам йирик, деганидир.
Бундан ташқари, компаниянинг бешинчи авлод уяли алоқа тармоғини қўллаб-қувватловчи версиядаги Galaxy S10 смартфони дисплейи ҳам бошқалариникидан каттароқ – 6,66 дюймлик бўлар экан. Samsung’нинг бошқа смартфонлари ҳам бирмунча катта экранга эга:
- Galaxy S10 Lite – 5,75 дюймлик;
- Galaxy S10 (Edge) – 6,11 дюймлик;
- Galaxy S10+ – 6,44 дюймлик.
Бунақа катта ўлчамли дисплей қўллаганда, корпуснинг умумий ўлчами бесўнақай бўлиб кетмаслиги учун, ромларни янада юпқалаштиришга тўғри келади.
Эслатиб ўтамиз, бозорга чиқарилган баъзи Samsung смартфонларини Terashop.uz интернет-дўконимиздан 861 000 сўмдан бошланувчи нархларда онлайн усулда сотиб олиш мумкин.
