Galaxy Note 9’даги нуқсонни Samsung тан олмади!
Samsung компаниясининг энг қиммат смартфони – Galaxy Note 9 моделининг илк харидорлари ундаги дефектдан нолишаётгани ҳақида хабар бергандик. Ниҳоят, жанубий кореялик техногигант бунга муносабат билдирди, аммо...
ЎҚИНГ: Galaxy Note 9’ларда аллақачон ишкал чиқа бошлади!
Ушбу моделдаги аксарият фаблетларнинг экрани корпус ромига туташган жойидан ёруғлик чиқаётган экан. Samsung тарқатган расмий изоҳда айтилишича, бу асло брак эмас эмиш.
«Samsung Galaxy Note 9 дисплей модулининг тузилиш хусусиятларига кўра, қурилма етарлича ёритилмаган шароитларда ишлатилганида шишанинг қирраларида ёруғлик акс этиши мумкин», дейилади Samsung изоҳида. Шунингдек, ишлаб чиқарувчининг таъкидлашича, бу хусусият смартфоннинг самарадорлигига ва функционаллигига асло таъсир кўрсатмайди.
ЎҚИНГ: Samsung расман тан олди: Galaxy Note 8’да жиддий муаммо бор! (+видео)
