Galaxy Note 9'нинг даври ўтди
Бир неча кун олдин Samsung ўз смартфонларига 2022 йилнинг сентабри учун хавфсизлик янгиланишини ва у ҳақидаги маълумотларни чиқарди. Жанубий Корея компанияси ушбу янгиланиш ҳақидаги веб-сайтда у юборилаётган қурилмалар рўйхатини тақдим қилган. Маълум бўлишича, рўйхатга янги Galaxy Z Fold 4 ва Flip 4 букламафонларини қўшилган, шу билан бирга, Galaxy Note 9 модели олиб ташланган.
Бу билан Samsung компанияси ўзининг тўрт йиллик смартфонларидан бири, Galaxy Note 9 модели учун ортиқ хавфсизлик янгиланишини ҳам чиқармаслигини ёхуд уни қўллаб-қувватлашни бутунлай тўхтатаётганини билиш мумкин.
Galaxy Note 9 смартфони 2018 йилнинг август ойида, Android 8.1 билан чиқарилган эди. У 2019-йилда Android 9, 2020 йилда эса Android 10'га асосланган One UI 2.5 дастурий таъминот янгиланишларини қабул қилган эди. Кейинчалик эса, смартфон фақат чораклик хавфсизлик янгиланишини қабул қилишда давом этди. Бугунги кунга келиб эса, у "ўйиндан чиқарилди".
Шунингдек, Samsung ўзининг Galaxy Note 10 сериясидаги смартфонларини ҳам "лавомизини" пасайтирди. Эндиликда Galaxy Note 10 ва Galaxy Note 10+ ҳар ой эмас, балки ҳар чоракда хавфсизлик янгиланишларини қабул қилишда давом этади. Айтиш керакки, улар жорий йил бошида Android 12'га асосланган One UI 4 янгиланишини қабул қилишга улгуришган.
