Galaxy Note20 Ultra'дан умидингизни узаверинг!
Display Supply Chain Consultants (Дисплей таъминот занжири консультантлари) компанияси Бош ижрочи директори Росс Янг (Ross Young) Samsung'нинг Galaxy Note20 серияси смартфонлари ҳақида маълумот сиздирди.
Янгнинг айтишича, Note20 Ultra моделли смартфон чиқарилмайди. Янги Note оиласининг энг юқори вакили Note20+ бўлади.
Note20+ ўтган йилги Note10+ дан бирозгина катта, яъни 6.87 дюйм диагоналли дисплейга эга бўлади. Пиксел зичлиги эса Note10+ ники билан деярли бир хил — 1440p+ резолюция.
Ўтган йилги Note'лардан асосий фарқ экраннинг 120Hz частотада янгиланиши бўлади.
Note 20+ Display Leak
— Ross Young (@DSCCRoss) May 11, 2020
Note 20+ will grow from 6.8" to 6.87", resolution will increase to 3096 x 1444 resulting in a 497 PPI, 19.3:9 aspect ratio. It will also have 120Hz refresh with LTPO, lowest power implementation of 120Hz due to variable refresh. #GalaxyNote20+
Galaxy Note20 эса 6.42" дисплей ва 1080p+ резолюцияли бўлади. Бу моделда ҳам 120Hz янгиланиш частотаси мавжуд.
Смартфонларнинг OLED панеллари LTPO технологиясидан фойдаланган ҳолда ишлаб чиқарилиши, айтилмоқда. Бу эса LTPS панелларга қараганда 5—15% кўпроқ энергия тежамкорлиги демакдир.
LTPO технологияси биринчи бўлиб Apple Watch 4 смарт соатларида қўлланилганди. Samsung эса бу технологияни илк бор Galaxy Watch Active2 соатларида қўллаган.
Янг берган маълумотларни Ice Universe ҳам тасдиқлаб, ушбу маълумотларга бўлган ишончни оширди.
ЎҚИНГ: Samsung ҳали тақдим этилмаган, «яширин камера»ли Galaxy Note 20’ни энди «жонли» видеода кўрсатди!
