Galaxy Note7’даги носозлик туфайли Apple iPhone7 компонентлари учун буюртмаларни оширди

Galaxy Note7’даги носозлик туфайли Apple iPhone7 компонентлари учун буюртмаларни оширди

Албатта, бозор қоидасига кўра битта ишлаб чиқарувчида кузатилган муаммо иккинчи ишлаб чиқарувчининг фойдасига ишлаши мумкин. Август ойининг бошида тақдимоти бўлиб ўтган Samsung Galaxy Note7’нинг батареясида кузатилган носозлик туфайли Apple компанияси бугун (7-сентябрь) намойиш этилиши кутилаётган iPhone7 смартфони учун компонентлар буюртмаларини 10%га оширган. Бу ҳақда DigiTimes ресурси хабар берган. MacRumors нашрининг ёзишича, Apple Samsung фаблетида аниқланган жиддий муаммо (Samsung дунё бўйлаб 2,5 млн дона Galaxy Note7 смартфонини чақириб олган) сабаб мазкур ишга қўл урган.

Аввалроқ Apple телефонларига бўлган талаб камайганлиги қайд қилинган эди. Ҳатто купертинолик гигант iPhone7 савдолари 2-ярим йилликда iPhone 6S моделининг 2015 йилдаги қўрсаткичига қараганда икки баравар кам бўлишини прогноз қилган эди. Аммо энди ушбу прогнозлар ўзгарадиганга ўхшайди. Шунга қарамай, экспертлар расмий сотувлар бошланишидан олдин буюртмаларнинг кескин ортиши моделнинг 4-чоракдаги савдоларига салбий таъсир қилишини қайд қилиб ўтишган.

Хабарларни тез ва осон ўқиш учун Андроид иловамизни сақлаб олинг.