Galaxy P30 смартфонининг «жонли» расмлари Samsung мухлисларининг ҳафсаласини пир қилди!
Samsung компанияси ўз смартфонларини янги – Galaxy P туркумида ҳам тақдим этишни режалаштирган. Янги туркумнинг илк вакиллари эса Samsung Galaxy P30 ҳамда P30+ моделлари бўлади.
ЎҚИНГ: Galaxy P30 – бармоқ изи сканери дисплейга жойлашган илк Samsung смартфони!
Дастлабки чиққан маълумотларда, ушбу сериядаги қурилмаларда дактилоскопик датчик экран остига жойланиши айтилган эди. Лекин, афсуски, бу маълумот хато бўлиб чиқди.
Хитойнинг телекоммуникация соҳасида гувоҳнома берувчи TENAA ташкилоти сайтида кеча Samsung Galaxy P30 моделининг ҳар томонлама олинган «жонли» суратлари пайдо бўлди.
Кўриб турганингиздек, дактилоскопик датчик одатдаги жойида – корпуснинг орқа панелидан ўрин олган. Демак, кутилаётган ушбу инновацион ечимни Samsung ҳали бу моделига жорий этмаётир.
Galaxy P30 смартфонининг техник хусусиятлари ҳозирча эълон қилинмаган. Аммо дизайнига қараб туриб ҳам ушбу сериянинг флагман эмас, балки ўрта тоифали моделлар туркуми бўлишини англаш мумкин.
Жанубий кореяликларнинг аксарият моделлардаги аксарият смартфонлари эса Ўзбекистонда, жумладан – ўзимизнинг Terashop.uz интернет-дўконимизда ҳам расмий кафолат билан сотилмоқда.
ЎҚИНГ: Samsung Galaxy S10 флагманлар триосининг нархлари ва жиҳатлари маълум бўлди
