Galaxy S FE сериясини ишлаб чиқариш тўхтатилмаган ва янги смартфон тез орада чиқарилади!

Samsung илк бор ўзининг Galaxy S20 FE смартонини чиқарганида у жуда катта муваффақиятга эришган эди, лекин S21 FE сотувлари унчалик омадли бўлмади. Ўтган йил октабрида эса Samsung Galaxy S22 FE тақдим қилиниши кутилаётган эди, аммо яримўтказгичлар тақчиллиги ва бутун дунё бўйлаб смартфон бозорининг ёмонлашуви сабаб у дунё юзини кўрмади. Натижада Galaxy S FE серияси ортиқ чиқарилмаслиги ҳақида миш-мишлар ҳам тарқалди. Бироқ, сўнгги маълумотларга кўра Samsung тез орада янги Fan Edition смартфонини чиқаради.

Жанубий Кореядан Hankooki нашрининг хабар беришича, Samsung компанияси 2023 йилнинг иккинчи ярмида Galaxy S Fan Edition смартфонини тақдим қилишга тайёрланмоқда. Маълум бўлишича, бу Galaxy S23 FE смартфони бўлиб, у Galaxy А74 ўрнига чиқарилади. Қолаверса, янги Galaxy S FE ҳозирги Galaxy S21 FE дан кўра кўпроқ мамлакалатларга тарқатилади.

Galaxy S Fan Edition смартфони Galaxy S сериясидан бироз пастроқ, лекин ўртача бўлмаган модел бўлиб, ушбу линиядаги илк смартфон 2020 йилнинг октабрида чиқарилган.

Galaxy А74 моделига келадиган уни чиқармасликка қарор қилинганлиги айтилмоқда. Эҳтимол, улар ортиқ ишлаб чиқарилмаслиги ҳам мумкин. Бунга ушбу модел сотувларининг камайиши асосий сабаб қилиб кўрсатилади. 

Galaxy S23 FE смартфони август ёки сентабрда чиқарилиши кутилмоқда.

ЎҚИНГ: 240 Вт тезликда қувватланадиган смартфон глобал бозорга қачон чиқарилиши маълум бўлди!