«Galaxy S10 дизайни қанақа ўзи!?» – машҳур инсайдерлар талашиб қолишди!
Жанубий кореялик техногигант келаси йилнинг бошида Galaxy S10 флагман смартфонларини тақдим этиши маълум. Аммо бу туркумдаги учта моделнинг техник жиҳатлари ва дизайни борасида турли-туман маълумотлар чиқиб келаётир.
ЎҚИНГ: Муҳим технологиядан маҳрум этилаётган Galaxy S10 дизайнини расмий прошивка «сотиб қўйди»
Кеча – 13 ноябрь куни бир неча машҳур инсайдер айни шу Samsung Galaxy S10 смартфонларининг дизайни ва жиҳатлари масаласида Twitter тармоғида тортишиб қолишди.
Аввало, Эван Бласс ушбу флагманнинг бир неча муҳим хусусиятлари ҳақида пост жойлади. Унга кўра, Galaxy S10 экранига янгича – ультратовушли дактилоскопик сканер татбиқ этилади. Шунингдек, унинг дисплейида селфи-камера учун тирқиш (Infinity-O туридаги дисплей) ҳам мавжуд.
Few preliminary Galaxy S10 details:
— Evan Blass (@evleaks) 13 ноября 2018 г.
- "Punch hole" style selfie cam cutout (sounds like Infinity-O display).
- Ultrasonic, in-display FPS
- Three rear cameras (standard/wide/tele)
- One UI over Android Pie
Шунингдек, Бласс фикрича, бу қурилма иккита эмас, балки учта модулли (асосий, кенг бурчакли ва телеобъектив) бош камерага, яна Android Pie базасидаги One UI график қобиғига ҳам эга.
ЎҚИНГ: Samsung янги – One UI график қобиғини чиқарди, лекин уям ҳамма учун эмас... (+«жонли» видеолар)
Бошқа бир инсайдер – Ice Universe эса бошқача фикр билдирган. Унга кўра, Galaxy S10 ҳамда Galaxy S10+ моделлари Infinity-O экранга, Galaxy S10 Lite бўлса «оддий» – ромли дисплейга эга.
I think S10 Lite is not Infinity-O, S10 and S10+ are Infinity-O pic.twitter.com/W25dvDM2lb
— Ice universe (@UniverseIce) 13 ноября 2018 г.
Жанубий кореяликларнинг янги флагманлари тирқишли дисплейга эга бўлиши аввалроқ ҳам айтилган эди.
ЎҚИНГ: Galaxy S10 экрани тешикли экан! Уни Galaxy S9 ва iPhone XS Max билан солиштирамиз (+«жонли» сурат)
Юқоридаги фикрларга учинчи машҳур инсайдер – Бенжамин Гескин қўшилмайди. Унингча, Samsung’нинг «ҳамёнбоп» флагмани – Galaxy S10 Lite ҳам Infinity-O дисплейга эга бўлади:
Samsung #GalaxyS10 will most likely come with Infinity-O display.
— Ben Geskin (@VenyaGeskin1) 12 ноября 2018 г.
At first I preferred camera in the middle. But now, I think camera in the corner will definitely distinguish them from others.
What do you think? pic.twitter.com/cG5UgsJSqn
Бундан ташқари, Ice Universe ёзишича, шу пайтгача Samsung Galaxy S10 модели, дея интернетда эълон қилинган суратларнинг барчаси нотўғри ва қурилманинг ҳақиқий дизайнидан йироқ эмиш. Аммо бу флагман аслида қандай бўлишини ҳам мазкур инсайдер изоҳламаган.
Бу борадаги янгиликларни Terabayt.uz сайтида кузатишда давом этинг. Samsung’нинг дунё бозорига чиқарилган турли русумлардаги бошқа смартфонларини эса Terashop.uz интернет-дўконимиздан харид қилиш имкони мавжуд.
