Galaxy S10 экрани тешикли экан! Уни Galaxy S9 ва iPhone XS Max билан солиштирамиз (+«жонли» сурат)

  •   DiMaX
  •  3025
  •  02.11.2018 09:30

Galaxy S10 экрани тешикли экан! Уни Galaxy S9 ва iPhone XS Max билан солиштирамиз (+«жонли» сурат)

iPhone X модели «кемтик»ли экран дизайнини бошлаб бергач, кўплаб смартфонсозлар унга эргашишди. Фақат купертиноликнинг «ашаддий рақиби» ўз телефонлари дисплейини «ўйиқ»ли қилмасдан, бошқа – ўзигагина хос йўл топди!

ЎҚИНГ: Samsung сирли янги технологиясини илк бор сирли Galaxy A8s смартфонида қўлламоқда! (+«жонли» сурат)

Бир пайтлари iPhone X’нинг аниқ рендерларини муддатидан аввал эълон қилиб машҳур бўлган инсайдер Бенжамин Гескин (Benjamin Geskin) яна бир шов-шувли суратни тарқатди. Twitter тармоғидаги ўз аккаунти орқали у ҳали тақдим этилмаган Samsung Galaxy S10 моделига тегишли янги маълумотларни ошкор этди.

Хулласи калом, Гескин «жонли» олинган, дея эълон қилган биринчи суратга кўра, Galaxy S10 флагманининг экрани ромсиз бўлиб, олд камера учун дисплейнинг ўзида тирқиш очилган:

Лекин бу ҳақиқий «жонли» расм эмас, балки бирор график муҳаррир дастурида жуда сифатли ишланган расм бўлиши ҳам мумкин.

ЎҚИНГ: Samsung Galaxy S10 камералари расман намойиш этилди – улар 48 ва 32 мегапикселли!

Шунингдек, инсайдер Galaxy S10, Galaxy S9 ва iPhone XS Max моделларининг дисплейларини таққослаб ҳам кўрсатган:

Агарда жанубий кореялик техногигант чиндан ҳам навбатдаги флагман смартфонини шу кўринишда чиқарса, унинг экрани нафақат тешиги билан, балки корпуснинг олд юзасини қоплаш даражасига кўра ҳам тенгсиз бўлади.

ЎҚИНГ: Galaxy S10 линейкаси iPhone XS, XS Max ва XR моделлар қаторидан нусха олган

Ва ниҳоят, Бенжамин Гескин тарқатган навбатдаги сурат контентни акс эттиришда тирқишли экраннинг «кемтик»ли дисплейдан афзаллиги кўрсатилган:

Galaxy S10 моделининг тақдимоти кейинги йилнинг бошида бўлиб ўтиши кутилмоқда. Унгача ҳам бу борадаги янгиликлардан ўз вақтида бохабар бўлиб бориш учун бизни кузатишда давом этинг.

ЎҚИНГ: Бунақаси бўлмаган: Galaxy S10 экранининг ҳамма ери бармоқ изи сканеридан иборат!

Сайтимизнинг энг чиройли расмларини Инстаграмдаги саҳифамизда томоша қилинг!