Galaxy S10+ флагманининг нақ 1 терабайтлик UFS 2.1 хотираси расман тақдим этилди
Жанубий кореялик техногигантнинг Galaxy S10+ смартфони энг илғор талқинда бир терабайтлик ички хотирага эга бўлиши ҳақида миш-мишлар тарқалган эди. Улар ўз тасдиғини топди – Samsung бугун янги турдаги флеш-хотирани расман намойиш этди.
ЎҚИНГ: ЭКСКЛЮЗИВ: Galaxy S10+’нинг энг сифатли «жонли» сурати интернетда илк бор Terabayt.uz’да!
Ушбу eUFS туридаги хотира модули ўлчами олдингиларидек – 11,5х13 миллиметрга тенг. У «янгидан ишлаб чиқилган» контроллерни ҳамда V-NAND русумли 16 қават флеш-хотирани ўз ичига олади.
Мазкур ички хотиранинг ўқиш ва ёзиш тезлиги тегишлича 1000 ва 260 МБ/сонияни ташкил этади. Samsung аллақачон уни оммавий ишлаб чиқаришга жорий этган.
ЎҚИНГ: Samsung Galaxy S10 смартфонларининг Европадаги нархлари маълум қилинди!
