Galaxy S11+ флагманининг биринчи расмий сурати эълон қилинди!

Аввалроқ биз Samsung тайёрлаётган Galaxy S11, Galaxy S11e ҳамда Galaxy S11+ флагманларининг дизайнини фош этувчи илк «жонли» расмларни чиқарган эдик. Энди эса улардан энг зўрининг биринчи расмий тасвири пайдо бўлди.

ЎҚИНГ: Galaxy S11 флагманлари эртароқ намойиш этилади – MWC 2020’ни ҳам кутмаймиз!

Ice Universe никли машҳур тармоқ информатори Samsung Galaxy S11+ моделининг расмий суратини эълон қилди. Аниқроғи – Samsung унда флагманнинг фақат бош камеранинг ярмини ва корпуснинг шу қисминигина кўрсатган:

Бош камеранинг барча датчиклари битта квадрат ёки тўғри тўртбурчак шаклидаги блокка бирлаштирилиши ва улардан асосийлари тиккасига жойланиши аниқ бўлди. Расмий тасвирда акс этган учта модул – 108 мегапикселлик асосий сенсор, кенг бурчакли модул ҳамда перископ камерадир.

Камера блогининг Samsung ҳозирча яшириб қўйган қисмида ёруғлик-диодли фоточақноқ ва ToF-камера ўрнатилганлиги аниқ, яна бешинчи камера датчиги ҳам бўлиши мумкин.

ЎҚИНГ: Samsung компанияси 108 МПлик камера борасида Xiaomi’ни боплаган экан!