Galaxy S11 флагманлари эртароқ намойиш этилади – MWC 2020’ни ҳам кутмаймиз!
Samsung Electronics кейинги йилнинг февралида Galaxy S11, Galaxy S11e ҳамда Galaxy S11+ флагманларини тақдим этади. Куни кеча биз уларнинг ташқи кўринишини фош этувчи «жонли» суратларни эълон қилгандик.
ЎҚИНГ: Samsung компанияси 108 МПлик камера борасида Xiaomi’ни боплаган экан!
Энди эса машҳур информатор Ice Universe мазкур смартфонлар борасида муҳим маълумот тарқатди. Унга кўра, Samsung Electronics келаси йилнинг 18 февраль куни Сан-Франциско шаҳрида йирик матбуот анжумани ўтказади. Мазкур тадбирда Samsung Galaxy S11 туркумидаги янги смартфонлар тақдим этилади.
Rumors: Samsung Electronics is tentatively launching the Galaxy S11 series and clamshell foldable phones in San Francisco, USA on February 18, 2020.
— Ice universe (@UniverseIce) December 11, 2019
Galaxy S11 флагманлар туркумидан ташқари, Samsung мазкур маросимда яна қайишқоқ экранли янги букламафонини ҳам тақдим қилади. Motorola RAZR сингари «раскладушка» форм-факторли бу смартфоннинг видеосини компания аввалроқ видеода кўрсатган эди.
Шу кунгача жанубий кореялик гигант Galaxy S11 туркуми смартфонларини 24–27 февраль кунлари Барселонада бўлиб ўтадиган Mobile World Congress 2020 тадбирида кўрсатиши кутилаётган эди. Лекин, афтидан, Samsung янги флагманларига янада кўпроқ эътибор жалб этиш учун уларни эртароқ намойиш этмоқчи.
Айтиш керакки, Ice Universe эълонига ҳозирча Samsung Electronics расман бирор муносабат билдирмаган.
ЎҚИНГ: Йил жанги: Samsung vs Apple
