Galaxy S11 моделлари ҳақида янги хабар тарқалди

Galaxy S11 моделлари ҳақида янги хабар тарқалди

Galaxy S11 оиласи ҳақида маълумотлар сиздирилишда давом этмоқда. SamMobile сайтининг Ice Universe инсайдерига таяниб берган сўнгги хабарларидан бирида янги флагман линейкаси вакилларининг ўлчамлари ўртасидаги фарққа эътибор қаратилди. 

Куни кеча янги флагманлар Galaxy S20 деб номланиши мумкинлигига тўхталиб ўтган инсайдер эндиги улашган расмда учала Galaxy S11 моделлари учун чиқарилгани таъкидланаётган ҳимоя қопламини ёнма-ён қўйиб, ўлчамлар ўртасидаги фарқни кўрсатган.Агар тармоқ информаторининг маълумотлари тўғри бўлса, Galaxy S11'лар ўлчами ўта катталиги борасида хавотирланганлар учун яхши янгилик бор. Расмлардан кўриниб турганидек, Galaxy S11e смартфони Galaxy S11'дан ҳажм борасида анчайин кичик бўлади. 

Бундан ташқари, агар илгаририги рендерлар ҳақиқий бўлса, айтиш мумкинки, Galaxy S11e 6.2 дюймли экранга эга бўлади ва бу Galaxy S10e'нинг 5.8" панелидан анча катта.

Айни дамда, Galaxy S11 ва S11+ ларга мос равишда 6.7 ва 6.9 дюймли экран ўрнатилиши кутилмоқда. Бу ўлчамлар ҳам Galaxy S10 ва S10+ ларникига қараганда жуда катта.

Шундай қилиб, афтидан, Galaxy S11 оиласида ҳажман кичик модель бўлмайди, бироқ Samsung бунга "компенсация" сифатида қурилмаларга катта аккумулятор ўрнатмоқда. Янги флагманлар дисплейи янгиланиш частотаси 120Hz бўлиши ҳамда Galaxy S11+ да 5G (ҳар ҳолда, шундай бўлиши кутилмоқда) ўрнатилишини инобатга олиб шуни айта оламизки, компания бу девайсларга катта сиғимли аккумулятор қўймаса ҳам бўлмайди. 

ЎҚИНГ: Samsung’нинг яна бир арзон смартфони Geekbench’да «қўлга тушди»

Terabayt.uz сайтининг видеолари: Youtube'даги каналимизда!