Galaxy S20 Ultra’нинг яна иккита илғор жиҳати маълум бўлди!
Samsung компанияси 11 февралда Galaxy S20, Galaxy S20 Plus ҳамда Galaxy S20 Ultra флагманлари ҳамда Galaxy Z Flip букламафонини тқдим этади. Флагманлар орасида «Ультра»си ҳаммасидан ҳам катта, илғор ва... қиммат бўляпти!
ЎҚИНГ: Galaxy S20, S20+, S20 Ultra ҳамда Galaxy Z Flip нархлари кишини лол қолдиради!
XDA Developers бош муҳаррири Макс Вайнбах (Max Weinbach) жанубий кореялик гигантнинг кутилаётган флагманлари ҳақида янги маълумотларни улашишда етакчилик қилмоқда. Жумладан, у энди Galaxy S20 Ultra моделининг иккита ўзига хос хусусиятини айтди.
Унга кўра, ушбу смартфон янада такомиллаштирилган, бош модули 108 МПлик бош камерасидан ташқари, корпуси материали билан ҳам мақтана олади. Galaxy S6 давридан буён Samsung ушбу туркумидаги қурилмалар корпусида авиацион алюминий қотишмасидан фойдаланиб келаётган бўлса, Galaxy S20 Ultra зангламайдиган пўлатдан тайёрлаяпти!
Иккинчи маълумот эса Samsung Galaxy S20 Ultra экранида кадрнинг янгиланиш частотасига тегишли. Дастлабки созламаларга кўра у 60 герцлик частотада янгиланадиган бўлади; бу эса аккумулятор қувватининг максимал даражада узоққа етишини таъминлайди. 120 герцлик режимга эса экран созламалари орқали ўтиш мумкин бўлади; уни фаоллаштирганда фойдаланувчига тасвир янада равон бўлиши, лекин батареянинг қуввати тезроқ пасайиши эслатилади.
ЎҚИНГ: Samsung февралда яна иккита арзон, аммо «бағрикенг» смартфон тақдим этади!
