Galaxy S22 янги рангда тақдим қилинди

Samsung компанияси ўзининг Galaxy S22 смартфонининг "Bora Purple" деб номланувчи рангдаги вариантини чиқарганини эълон қилди. Компаниянинг маълум қилишича, "Bora" сўзи корейс тилидан "сиёҳранг", "Purple" эса инглиз тилидан "сиёҳранг" деб таржима қилинади. Шундай қилиб, эндиликда Galaxy S22 "сиёҳранг сиёҳранг" рангдаги вариантга ҳам эга.

"Bora Purple оч ва нейтрал оҳанглари билан оптимизм ва хотиржамлик туйғусини ўзида мужассам этган. Сиз К-pop юлдузи бўласизми ёки бинафша рангини севасизми, Galaxy S22 Bora Purple сиз учун яратилган." дейди Сониа Чанг, Samsung Electronics компаниясининг МХ Business'даги глобал бренд бўйича маркетинг гуруҳи вице президенти.

Икки карра сиёҳранг рангдаги Galaxy S22 чиқарилгунига қадар, Жанубий Корея компаниясининг энг сўнгги флагман сериясининг асосий модели бинафшаранг рангда мавжуд эди. У сиёҳрангдан кўра кўпроқ оч рангдаги пуштига ўхшайди, шунингдек, у икки хил рангда: камера модули ва ён рамкаси олтин рангда эди.

Янги ранг нафақат Galaxy S22 учун, балки, тез кунларда бошқа Samsung қурилмалари учун ҳам тадбиқ қилинади. Galaxy S22 Bora Purple смартфони эса кейинги август ойининг 10 санасидан бошлаб Европа, Жанубий Корея ва Америкада ўзгармаган нархда сотувга чиқарилади.

ЎҚИНГ: Galaxy Watch 5 сериясининг нархи маълум бўлди