Galaxy S23+ жонли суратларда!
Гарчи Samsung ҳали 100% расман Gqlaxy S23 смартфонлари тақдимоти санасини маълум қилмаган бўлса ҳам, бир неча кун аввал компаниянинг Колумбиядаги расмий веб-сайти флагманлар 1 феврал куни чиқарилишини тасдиқлаб қўйди. Шундай экан тақдимотга қадар ҳали яна бир неча ҳафта бор, бироқ ундан аввал Интернетда бўлажак Galaxy S моделларининг бири қўлда, жонли кўринишда пайдо бўлди.
Сурат ва видеода сиз Galaxy S23+ моделини ишлаб турган ҳолда кўришингиз мумкин. Медиа сифати пастроқ бўлгани учун аниқ деталларни кўриш қийин, лекин улашилган суратда Galaxy S23+ смартфонининг яқинда тақдим қилинган Galaxy А14 каби камера дизайнига эга эканлигини кўришингиз мумкин.
Шунингдек, видеода Телефон ҳақида саҳифасини кўришингиз ва ундан смартфон модел рақами SМ-S916B/DS эканлигини билиб олишингиз мумкин.
Galaxy S23+ Galaxy S23 ва Galaxy S23 Ultra билан юқорида айтилганидек 1 феврал куни тақдим қилиниши кутилмоқда.
